屋企突然多咗個唔識嘅人: 陸拾伍

「嘩屌！」阿賢爆粗。

「咩事呀又，唔好阻我搶金毛啦。」我講。

平時阿賢應該會同我講發生咩事㗎喎，但係今日冇咁樣做。

-------

20分鐘後





「唉...」我都唔知講咩好。

可能阿賢等我搶完之後先俾我睇，廢事搞到冇心情打機。

而家就好似坐緊過山車咁，上到頂又跌返落嚟。

連阿賢都唔知點樣安慰我。

冇計，畢竟咁大單嘢，可能越幫越忙。





「使唔使落去行下呀？」阿賢問。

「唔使啦，由我頹飽佢。」

同其他人去迪士尼... 本身唔係一個問題，但係得2個人，仲要一男一女...

佢？咪O2囉。我就變A1。

「嘩咩事呀？」阿菴返到嚟。





「佢條女畀你哋班個大師兄食咗，帽事嘅。」阿賢講。

「見阿兒呢排同師兄傾計都唔理阿恆就知咩事啦。」

「咁你又唔早講。」阿賢講。

「就係驚hurt到佢呀嘛。點知今次師兄明張目膽po story話去迪迪尼啫。」原來晨早就知嘅。

--------

今日可以話係冇心機上堂，連miss yu堂都係瞓覺。

「使唔使去洗個面先呀？」miss yu問我。

「唔好理佢啦，佢啱啱失戀...」阿菴講。





「鬼叫佢琴晚咁夜瞓。」我認識嘅阿兒喺唔會咁講嘢的...

「不如你出少句聲啦好冇？」阿菴好罕有咁大聲屌阿兒。

「關你咩事。」阿兒變到好寸。

「唉...」我去咗廁所。

洗洗下面突然想喊... 唔知點解...

但係依家喊又會俾人笑。

可以嘅話，我想而家返屋企...





又或者坐53喊足成程...

「男人老狗喊咩呀，個個都係咁㗎啦。有邊個未試過戴帽呀？」F2食女王？

聽講條友A8，喺F2嗰級幾受歡迎。

好不幸地，佢啲ex全部都係俾帽佢戴。(有冇咁誇張) 所以已經睇化晒。

「你嗰班有咩好介紹？」身邊點都會有幾條女嘅。

「冇喎，豬西哽唔哽得落？」咁都係當我無講過。

「不了。」

女，可以再搵過個啫...