屋企突然多咗個唔識嘅人: 陸拾貳

(繼續阿賢視角)

「今日係第30屆學生會選舉日...」台上嘅司儀講。

選學生會嘅原因，都係因為聽聞件支那狗想選，所以一時衝動。

不過呢啲嘢冇得返轉頭，唔通而家先嚟講唔選咩。

更何況對面贏咗成間學校即刻變支那。





支那話... 支那文化...

「而家請1號內閣嘅會長講出你哋嘅宗旨以及當選後嘅措施。」

「我們選學生會的宗旨是...」嘩，滿口支那話。

「為我們的學生提供多元化的活動，讓他們了解我們祖國5000年的文化。」唔使啦多謝。同埋，得咁少嘢講㗎咋？無啦？

「會長，琴日你跌親喎，隻腳掂唔掂㗎？」副會長(阿兒表姐)問我。





「得嘅，尾獅兒尾獅兒。」其實痛到仆街。

其實琴日有人影我相掟上網再冷嘲熱諷呢，就俾好多我哋嘅人圍屌。

睇嚟佢哋要臨尾香了。

冇計，鬼叫佢哋其中一件on9仔影完相擺去學生會個ac。

今次佢哋真係自取其辱。





「而家請2號內閣嘅會長。」終於到我。

「我哋志在為我哋學校嘅學生提供全面嘅服務，例如借遮服務，可以令我哋唔使變『落湯雞』。另外，我哋亦都會舉辦各式各樣嘅活動，例如歌唱比賽、才藝表演，俾我哋嘅學生展現佢哋嘅長處...」一輪嘴講晒出嚟。

而台下啱啱了無生氣，全部瞓著晒嘅樣變得熱烈起嚟，個個都拍晒手掌。

乜我講得好好咩？

比起對家可能係。

「而家到兩個內閣互相提問嘅環節，問方提出問之後，答方會有2分鐘討論，5分鐘回答。」

「你們的活動，沒有宣揚5000年的中華文化，請問，你們是否宣揚港獨呢？」1999，唔知噏乜撚嘢。

「我哋嘅活動，全部都冇呢一個意圖。部分活動亦都只係俾非本地學生認識香港本土文化。以及，如果本土文化就等於港獨嘅話，咁係咪即係中國某啲地區嘅習俗、文化就等於嗰一個地區要，或者係想獨立呢？」我答。





台下極多掌聲

「而家到2號內閣發問。」

「就之前嘅調查嚟睇，有一大部分嘅人都唔鍾意你哋嘅活動，覺得『只係想洗我哋腦』、『植入大陸思想』，甚至覺得『浪費時間，搞埋晒啲唔等洗嘅嘢』，請問你哋會有乜對策去改善或者取消呢？」阿兒表姐問 。

「我們覺得沒有問題。所以不會，也不可能會改。」自大到。

唉... 之後嘅問題繼續自大，唔撚理，總之得佢哋啱，我哋全錯。

「而家係投票環節，在場人士將會...」辛苦一大輪終於完。

我就唔信對家咁差都會投佢。