屋企突然多咗個唔識嘅人: 伍拾參

「今日...」阿賢又想點。 

「講就講啦屌你老母。」阿菴串佢。 

「係我阿妹嘅... 生日！」然後阿賢學華記正撚樣拍抬。 

(示意圖) 

呢下整到我成身都係粟米片。 





「屌你老母...屌你老母...」我即刻用拳頭以適當力度錫佢春袋。 

「喂唔好...呀~」懷疑阿賢前幾日叫得太多，所以慣咗。 

「你個妹生日，又唔係我生日，？」阿菴又串。 

不過講得出，都知係有大支嘢... 呀唔係，係大單嘢要我哋幫手。 

「 不要浪費太多時間在這些意識形態。」--韓國魚，2019 





「阿姨會去佢嘅生日會...」阿賢終於肯講出重點。 

「生日會... 咁你咪唔好去囉，最多之後補返。」其實我冇搞過生日會，所以呢方面都係唔知咁多。 

「唉...但係佢話要出國讀書喎。」阿賢又講。 

「出國讀書... 超！阿兒幾個月之前又係話今年要去留學，而家咪又係生勾勾喺度。」我反駁。 

「嗱，呢家嘢呢，就唔係個個都一樣嘅。我都係6歲嗰陣放放下暑假先至突然知道要由日本跳過嚟香港讀書咋。而且除咗老豆老母同我之外，無人知。」阿菴講。 





之後突然轉topic由生日會變咗出國留學。 

「ok，focus返喺lily老母度先。」終於入返正題。 

「其實識咗你咁耐，都仲未知你原本住邊。」阿菴講。不過我估都係借啲意問生日會邊度搞。 

「就對面天盛。」 

---------------------------------------------------- 

阿賢似乎都仲未揀要同邊個去生日會。 

揀我嘅話就扮基，但係我唔受。 

揀阿菴嘅話lily老母又話出軌。 





不過俾我，我會揀扮基，至少lily知道阿賢「鍾意」男仔。 

好，我直覺係錯嘅。 

佢揀咗阿菴。