屋企突然多咗個唔識嘅人: 伍拾
阿賢一返到嚟就俾阿兒同阿菴捉咗入廁所。
「喂咩事呀喂!喂!」阿賢大叫。
喺房打咗陣機,突然有人入嚟。
「唔敲門...」望到眼前嘅景象我o晒咀。
![](https://na.cx/i/HyFYs3v.jpg)
「點呀,係咪好過Hugo好多呢?」阿菴問。
眼前呢個「女人」比女人更加「女人」。如果只可以用4個字嚟形容,一定係美若天仙。
「呢個真係阿賢?」我問。
「係呀。」
「Hugo?垃圾,去青山是但搵個都扮得靚過佢。」點可以攞阿賢同hugo比。
「但係可唔可以唔好著裙呀,啲腳毛突晒出嚟。」
「哦等陣。」阿兒應該返咗佢屋企攞佢啲褲過嚟。
趁而家冇嘢做問下阿賢識唔識偽聲。
「早晨...咳...咳...」頭先聽到嘅...係女人聲?
阿賢識偽聲㗎咩。
「把聲似唔似女仔呀?」應該係阿賢。
「似,點會唔似。」
「咳...um...」即刻變返麻甩佬聲。
同時阿兒都返到嚟。
「試下。」阿兒俾咗條褲佢著。
阿賢著咗之後,遮晒啲腳毛令到佢更加似女人。
「其實咁樣OK喎。」雖然講出嚟有啲gay,但係都係想講,我扯晒旗。
係咁㗎啦,你唔係話俾我聽你見到靚女會鳩縮下話。
「咁得啦,換返自己衫先啦。」阿菴叫阿賢換衫。
而家就等聽日睇下溝女小王子點樣俾我哋整到變毒撚小王子。