屋企突然多咗個唔識嘅人: 肆拾肆

阿賢好似傾完。

「點？」

「佢淨係同我吹咗陣水咋。」好彩冇講話去邊。

「咁就得了。可以開始plan行程。」我講。

「嗱，首先呢，唔係條條女都好似我咁，肯同你捱麥記，所以帶佢去食老麥啦。」阿菴提出建議。





「嗯，跟住呢？」

「跟住？咪去啲up dup嘅地方行下囉。」

「例如？」阿賢又問。

「元朗國... 屌你自己諗啦，使唔使下下都問呀？」阿菴開始有啲唔耐煩。

「然後呢？」又問。





「然後就等我帶你去執柒啲個樣啦。」身為一個毒撚就梗係要幫人變毒㗎啦。

「行啦。」我拉住阿賢出門口。

---------------------------------------------------

我哋去咗U記。

「嗱，揀件格仔恤衫，再揀件短褲，搞掂。」我對住阿賢講。





「哦。」

然後佢揀咗件藍白格仔恤衫，一條橙色短褲。

「拎去試下。」我指住試衣室。

換咗毒撚裝之後，隱隱哋feel到有種毒味出緊嚟。

「啱啦，就呢套。」

買咗衫，就去配副柒嘅眼鏡。

「你知唔知你衰乜？」我問。

「599G。」





「你係衰在太靚仔啦，而家去幫你配副柒嘅眼鏡，行。」

去到眼鏡舖，即刻有件毒撚形(應該係)嘅眼鏡俾我睇中。

不過好多都極貴，同埋阿賢都睇唔中。

都係上啲拍賣網站睇好過。

即刻有件2舊水樓下，不過要TKO交收。

是但，總之要副柒眼鏡就得。

---------------------------------------------------





終於拎到副眼鏡俾阿賢。

「嗯，柒人戴柒鏡。」阿菴只留低一句cm。

「咩柒人呀？你呀？」都仲未識死。

「屙屙屙...」阿賢被千年殺。

阿賢著埋「毒撚裝」嘅話就即刻成浸毒味出哂嚟。

衣著都搞掂埋，就睇聽晚表現如何。