屋企突然多咗個唔識嘅人: 肆拾

「嘩咩事。」我指住架巴士。

「喂唔好啦。」阿賢O哂咀。

到底...係邊個咁大整蠱，將阿兒同阿菴整成廣告再整上架巴士度。

仲要唔止一部，係連續幾架巴士都係呢個廣告。

「喂搞咩呀，Anson Lo咩？乜我條女好出名咩家陣？」阿賢有少少激動。





「會唔會係Hugo呀？」

「屌，我即刻去元朗掘佢出嚟。」阿賢好激動咁走咗。

「等埋呀！」

阿賢失咗蹤，唯有喺下面巴士站坐車去元朗。

我發覺啲巴士每6架就有1架係阿兒個廣告，落廣告嗰條友應該真係好有錢。





-----------------------------------------------------

到咗元朗，見到阿賢喺阿菴原本住嗰橦大廈開門入咗去，我都跟埋過去。

「你隻死嘢，上次班谷搞完我條女，今次仲玩埋巴士廣告？」阿賢捉住Hugo衫領講。

「咩廣告呀？」Hugo都顯得有啲不耐煩。

「巴士廣告囉屌你老母，仲扮唔知？下？」





「我真係唔知...」

「真係唔知？下？家陣成街都係念慈廣告嘅巴士呀！你開心啦？」

「真係唔關我事...」

「唉算。」

阿賢推開咗佢，走咗。

我追住阿賢，但係去到元朗廣場就跟甩咗。

樓下總站有架「阿兒巴士」，勁多毒撚圍住架巴士影相。

到底呢兩姊妹有乜咁受街外人歡迎。但係睇落又唔似學校嘅人落嘅。





既然冇嘢做，就返屋企。

定係去行陣街先呢？

都係返去屋企附近食譚仔先。

截咗架276埋嚟，又係「阿兒巴士」。

「聽講你好出名喎家陣。」司機好似對住我講嘢？

「我知。」有把女聲講嘢。

我冇特別擰轉頭望，廢事阻住班人影相。





--------------------------------------------

「其實點解會紅到上巴士嘅？」阿賢問阿菴。

「冇㗎，純粹喺YT出下片，直下播咁咋嘛，咁就成幾十萬sub。」

「可能係我同阿兒美若天仙，吸引到班人睇掛。」阿菴微笑。

「但係十架巴士十一架都係你...」

「有幾位人兄特別有錢咁囉。」

「有錢... 」

「我點會出軌呢？傻仔嚟嘅。」





乜佢哋兩個有YT channel㗎咩？