屋企突然多咗個唔識嘅人: 廿壹

我:「真係？周夢怡好似同你同一幢樓㗎喎。」

阿兒:「咁冇計啦，只可以喺度瞓返晚。」

阿賢:「阿恆瞓梳化！」

我:「你都on99，間屋我㗎。」

阿兒:「唔洗理我㗎其實...」





阿賢:「咁又唔好。」

我:「你去著你條女度瞓囉。」

阿賢:「佢住元朗㗎喎。」

我:「咁你係咪唔去。」

阿賢:「有異性冇人性。」





解決住屋問題就係將所有有關係嘅人炒埋一碟。(雖然老豆老母唔同我住)

1900

阿兒:「好肚餓呀...」

我:「而家去買飯。」

跟住去咗新北江買雙餸飯。





阿賢食完之後就咗阿菴屋企。

我:「阿賢走咗，不如我哋... 」

之後我哋係咁溫書，溫到十一點。

我:「沖個靚涼先。」

阿兒:「咪住。」

我:？

阿兒:「我冇衫換喎。」

我即刻喺衣櫃摷咗件衫同埋褲。





我:「得唔得呀？」

阿兒:「好靚呀。」

1小時後

「嘩！好襯呀。」我對住阿兒講。

「係咩？」

「梗係。」

之後我哋就上床做愛做的事，就係瞓覺。





阿兒瞓著咗個樣真係好可愛... 好想錫佢一啖...

第二日

考完社會之後，又見到個死人馬sir搭住阿兒膊頭。

我:「唔準搭我膊頭。」

馬sir:「 你唔食我咪唔搭囉。」

我:「 你唔搭我咪唔食囉。」

馬sir:「 你掉我咪放手囉。」

我:「 你唔放手我點掉呀。」





講講下變咗張家輝㖭。

馬sir:「 冇你咁好氣。」

再一次拯救咗阿兒。

我:「行啦。」

阿兒:「哦。」

之後我哋坐53去一去阿兒屋企先。

我WhatsApp阿賢:賢 係度嗎





佢:系度

我: 上次借咗個3000蚊幾時還

佢: 憑本事借返嚟嘅點解要還 屌你老母

我: 唔玩啦 得唔得閒呀

佢: ok呀做乜

我:過嚟富泰

佢:哦

1345 富泰

阿兒:咁... 你哋要幫我睇實啦喎...

我同阿賢:Yes madam！

阿兒:我入去㗎啦。

我:嗯。

企咗三個字到就有條友想入去阿兒幢樓。

嗰個咪馬sir？

忘記咗講，周夢怡好似住阿兒隔離，所以馬sir係好可能上去搵周夢怡。

我哋隱身跟住馬sir。果然，係去阿兒住嗰層。

馬sir對住道門係咁撳鐘。

「係。」有個細路女應門。

「我好愛你㗎周夢怡！ 唔好離開我呀！」 馬sir好似發咗癲咁。

「我唔係... 呀！」個細路女好似發出求救聲，於是我哋兩個去睇一睇。

「放開佢！」眼見馬sir攬住阿兒仲諗住嘴埋落去。

「救我呀... 」

「周夢怡呀。」 馬sir無啦啦發咩神經...

「放開佢呀聽唔聽到呀！」

「你乜水呀？佢係我條女嚟㗎。」

「佢係鬼你條女！你條女喺隔離呀！」阿賢都講埋一份，仲一腳伸開佢。

「你哋好嘢！我條女都唔畀扑。」

「你都痴孖筋。」阿賢再次搭嗲。

之後阿兒執咗佢要嘅嘢就去咗我屋企避一避風頭。