屋企突然多咗個唔識嘅人: 拾貳
10:03 客廳
阿兒:Surprise！
阿賢:Motherfucker！
我:咪學人搭嗲啦屌你。
阿賢:鍾意呀吹咩？
阿賢講完之後阿賢部手機有人打嚟，我即刻搶咗佢部手機睇下乜水。
我:B？阿菴要戴綠帽了。
阿賢:關你鬼事咩，拎返嚟啦。
我:唔制。
跟住即刻接電話，估唔到阿賢嘅B係指阿菴。
我即刻爆咗句:你係咪東京出世㗎？
阿菴:我屌你個東京呀，我京都㗎碌柒！
最仆街嘅係，我竟然開咗擴音器，我同阿兒笑到仆哂街。
阿賢:俾返部機嚟啦仆街。
我再講多句:你男朋友好粗魯呀。
阿賢:屌你老味喺度扮可憐。
部機又俾佢搶返走。
我同阿兒講:行囉。
今日行MK，但係主要都係得我睇figure，lego之類。
我:咦，出咗個直升機lego喎。
阿兒:喂呀，好悶呀，有冇其它嘢睇呀。
我:不如去食嘢？
阿兒:好。
跟住由MK沿住彌敦道掃落佐敦澳牛食嘢。
伙記:食...
我:茶餐炒蛋火腿通粉熱奶茶。
係澳牛落柯打要5秒之內講哂是常識吧，但係...
阿兒:有咩食㗎？
伙記:我哋有.....
下，對客咁熱情仲係澳牛嚟嘅？定係我去錯地方？
阿兒:咁我要.....
阿兒竟然要用20秒先講完，我O撚哂咀。
伙記:食咩呀𑃁仔？
我:茶餐炒蛋火腿通粉熱奶茶。
伙記:聽唔清楚講多次。
呢間真係澳牛？明明之前嚟過要5秒講哂㗎喎。
我:茶餐炒蛋火腿通粉熱奶茶。
今次拖慢嚟講，用咗7秒，完全唔合格。
落咗柯打，正常應該要1分鐘上齊。今次竟然等咗75秒，係75秒呀，先開始上多士。
阿兒:做咩呀？個樣咁愁嘅。
我:冇嘢呀。
跟住用咗32秒先上齊2碟炒強，完完全全唔撚合格，正常5樣嘢應該要 60/5 ，即係平均12秒要上一樣，2人份即係 60/(5*2)，即係6秒一樣。但係佢竟然要16秒先上一碟，仲要食落係鞋，係凍嘅。5分滿分只可以俾-10分。
食完，再用多172秒先上齊所有嘢，食完再用3秒埋單，食一餐澳牛，竟然用咗373秒，比標準300秒用多咗73秒，咁嘅速度應該冇資格再食澳牛。
去到巴士站，啱啱有架269B埋站，即刻上咗車。
我:你唔係返屯門㗎咩？
阿兒:我想去你屋企。
正啦喂，佢嚟我屋企喎。
19:45 屋企
屋企冇人。
阿兒:既然你屋企冇人，不如...
我:Hehehe，我等咗好耐啦。
15分鐘後
我:Ha，渣㗎。
阿兒:你唔掉香蕉皮咪冇事囉。
我:再玩多場但係唔要香蕉皮囉，用烏龜。
阿兒:車。
開門聲
阿賢:做乜帶條女返嚟呀？
我:你咪又係帶阿菴返嚟。
阿菴:都講咗我叫京都念慈囉。
阿賢:邊個激嬲你呀BB豬~
阿菴指住我:佢。
我:關我乜事。
阿賢:你仲唔係身有屎？
跟住阿賢就篤我太陽穴，痛撚到仆街。
我:唔過嚟幫手咩？見死不救。
阿兒:我幫我幫我幫。
阿賢同阿兒一人篤住我一邊太陽穴，仲痛過之前。
佢哋兩個坐多一陣就走咗。