屋企突然多咗個唔識嘅人: 參

返到屋企之後，就手痕開IG睇阿兒有冇講D咩比人性騷擾嗰D啦，好彩冇事。

賢仔睇到阿兒有新Post，講佢唔想參加急救講座。

賢仔：不如我代佢去。

我：鍾意女神洗唔洗咁呀？

賢仔：我可以附身係佢度架嘛。





呢一番說話令我深深覺得佢一定係一個變態。

如我所料，講完呢句佢就即刻一支箭標咗出去。

當我想叫佢返入屋嗰陣佢已經喺巴士站等緊車去屯門，而且架車都嚟埋。咁冇計啦，只可以跟蹤佢。

「下一站係，富泰邨。」

見到賢仔準備落車，唔通佢真係想附身阿兒？





咁佢落咗車之後我都跟埋佢落車，喺巴士總站鳩下鳩下咁。十五分鐘之後，我竟然見到阿兒落咗嚟等車，應該係想返學校參加講座，之後佢上咗架261。我追唔切就坐咗K51過去學校個巴士站截佢。因為我唔肯定嗰個真係阿兒定係賢仔假扮。

到咗學校個巴士站，過咗對面之後啱啱見到頭先嗰架261，就睇阿兒有冇落車喇，點知見唔到佢，所以我就打電話畀阿兒，但係冇人聽，突然眼前一黑。

阿兒把聲：估下我係邊個？

我：阿兒？

佢：真係？





佢：其實我係賢仔呀！哈哈哈哈！

我：屌你！變態㗎？

佢：咁而家咪我代阿兒聽講座囉。有乜問題？

我：希望你唔會畀人發現啦下。

之後又喺屯門市中心兜咗一轉，發現原來屯門市中心就嚟開donki。