說好的約定呢？: 第十五章
雖然我不知道有多少人在追故，也不知道有多少人喜歡這個故，但還是先跟讀者們道個歉，因為GCE太忙的關係沒有出文?
--------------------------------------------------------------------------------------------------------------------------------------
第二日的測驗，幸好昨晚睡覺前還複習了一次，感覺應該考得不錯。
交卷後，只見阿倫像一條死魚一樣伏了在枱上。
「喂，你昨晚打飛機打得太攰呀？」我嘲笑他說。
「屌你咩，你就打飛機，最尾哥條超難，我溫左超耐最後竟然衰左喺呢題，真係失望呀。」他歎氣說。
「哇，你淨係唔識一題都咁，咁其他人咪要去跳樓？」
「唉，你唔明架啦。」
「我咩唔明呀？哦，你冇得搵你囡囡仆野呀？」
阿倫沒有回答我，只是持着死魚狀態，於是我也沒癮再追問下去，反正也不關我事。
等了一整天，放學鐘聲終於響起了，我不像其他同學有很多甚麼課外活動，所以就直接出了門口。
一出門口，突然被人推了一推：「喂，白痴。」不用問這個人也是曉欣。
「咦，點解你會喺度？你唔係都要反學咩？」
「我今日放假呀，所以咪特登過來搵你，做咩呀？本小姐過來搵你好難為你咩？」曉欣鼓起腮問。
「唔係唔係，在下好榮幸得到曉欣姐姐你的寵愛。」我半身鞠躬說道。
「平身啦，你陣間有冇野做呀？」曉欣得意的說道。
這時候又有人在我背後拍了一拍：「Samuel，你陣間有冇野...」
我回頭一看原來是謝小林，小林最後的「做」字沒有說出來是因為他見到我身旁的曉欣。
他很識趣說：「哎呀，阻住你地唔好意思添，我走先啦。」
這時候曉欣叫住了正準備走的謝小林：「等陣先，你為咩事搵Samuel呀？」
「哦，我有D功課想問姐，遲D再問都唔遲。」
「既然係咁，不如你同我地一齊呀？反正我想聽多D關於Samuel喺學校的野。」
「咁唔係幾好，我都唔想做電燈泡，下次有機會先啦下。」
曉欣繼續堅持，並拉着小林的手臂說︰「怕咩姐，我地行啦。」
小林無奈的看着我，尋求我的幫助，眼神就好像跟我說：「你快D同我扯開呢個癲婆啦！」
我笑了笑，聳聳肩示意我也沒有辦法，最後小林唯有跟着我和曉欣一起行。
「去邊度傾你D功課好呀？」曉欣興奮的問道。
「而家你問功課定小林問功課姐，做咩你咁興奮姐？」我也忍不住出聲說。
「咁人地都係想搞下氣氛姐，做咩咁話人呀。」曉欣擺出一個屈委樣。
我很想輕輕的跟她說：我話錯你唔好意思，乖，唔好唔開心。
但是小林在身旁，這些話怎麼說得出口呢？
於是我開口說：「扮咩野呀你？明明就咁興奮。」然後拍了曉欣的頭一下。
「喂你蝦人！」曉欣摸着她的頭說，眼睛水汪汪就像就快哭的樣子。
這時候小林開口說：「你兩個係咪無視左我的存在呀？」
「呀，係喎。」曉欣撓着頭說。
「咁你想去邊度做埋佢呀？」我正經的問着小林說。
「咁不如想我屋企啦。」
「哇，上你屋企，兩男一女，咁危險？」曉欣雙手抱胸說。
「你咪傻啦，謝小林仲有個妹架，你想太多啦。」我輕輕敲曉欣的頭說。
曉欣伸伸舌：「早講呀，搞到我咁擔心。」
於是我們三個人很快就到了小林家。
小林按鈴等了一分鐘後也沒有人應門，看似謝小妹不在家。
「哎呀，我唔記得左我個妹去左補習添。」小林於是從書包拿出鑰匙開了門。
「咁我咪姐係同兩個男仔獨處一室？」曉欣又裝作驚慌的說道。
「你咪傻啦，我地冇人想咩你呀，你瞓醒未呀？」我說道。
「唔通小女子咁冇吸引力？」曉欣拭去不存在的眼淚說道。
我真的暈倒了，這個曉欣，說會又不行，不會又不行，真讓她氣死了。
在我教小林功課的時候，曉欣不時騷擾着我，本身可以一小時完成的東西結果卻花了兩小時才完成。
「係呢，小林呀，Samuel喺學校點架？」曉欣問小林。
「點呀？普通學生咁啦。」
「咁係咪好多女仔圍住佢架？定係佢有冇成日聊女仔呀？」曉欣緊張的問。
小林望了我一眼，然後偷偷地笑。
曉欣即刻以為我會封小林口，馬上用雙手夾着我我手臂說：「喂，你唔準封謝小林嘴。」
我苦笑了一下，我也用不着封他嘴，反正我作為一個宅男在班上的異性緣近乎0，只要小林說實話就沒甚麼問題。
小林於是照直說：「咁你又唔洗擔心，佢冇咩女仔埋佢身，佢身邊全部都係男仔。」
曉欣聽後驚道：「唔通Samuel係gay ge？原來我要擔心的唔係佢比其他女仔搶，而係比其他男仔搶？」
我聽後呆了，哪有人會向這方向想的？曉欣的思維我真心看不透。
「你咪傻啦，我點睇都係正常性取向啦。」
「係咩，咁都好D。」曉欣鬆了口氣。
不知不覺間也已經天黑了，於是我和曉欣決定離開小林家去吃晚飯。
「你等我一陣呀，我要同屋企人講我唔反去食。」我跟曉欣說，然後拿出手機。
「好啦，咁我等你一陣啦。」
於是我就打電話回家，經過一陣嘟嘟聲後，我弟弟接了電話：「喂？」
「喂，細佬呀，我今晚唔反來食飯啦，幫我話比媽咪聽呀。」
「媽咪都唔喺屋企呀，佢今晚都出左街，得我同jane咋。」jane是我家的傭工，雖然是傭工，但我們都當她是朋友一樣對她很好，和她也很友好。
「咁呀，你幫我同jane講反聲啦，係咁啦，byebye。」然後我就收線了。
「行啦，我地去食野啦，你想食咩呀？」我問曉欣。
「你中意帶我去食咩就食咩啦。」然後曉欣很順手的把手繞着我的手臂。
「地下情呀。」我戳戳她的鼻說道。
「咁翹一陣應該冇人...」我突然見到一個人影，於是沒有等曉欣說完就把她的手撥開了。
曉欣似乎被我的動作嚇倒了，跟着我停下腳步。我沒有理會曉欣，因為在我眼前出現了一個我最不想這時候見到的人：我的母親大人，曉欣當然不知道這是我的母親大人，所以她對我的動作顯得不知所措。儘管已經以最快的速度鬆了手，但也不知道有沒有被她見到。
「媽咪，咁啱嘅？」我虛弱的問道。
「你同女朋友出街呀？」母親大人面無表情的說道。
這時候汗流浹背的我真的不知道怎樣回答才好，好像無論怎麼回答都會有一個很壞的結局。
如果我死口否認，萬一母親大人是看到我剛才挽着手的話就變成罪加一等；如果我就這樣承認的話，萬一剛才她是沒有見到我們挽着手我就變了不打自招，面對着這個情況我真的不知道應該怎樣做好。