從我開車撞死她的那刻開始: 第九章

從我開車撞死她的那刻開始(9)

我深呼吸，讓自己稍為冷靜下來後，便問：「妳係點樣搵上門架。」

「你架車上面寫既。新發物流公司，電話29283283，地址係……」

沒想到車上的貼紙攔不著生意，反而招惹吸血鬼來。

「咁妳想點呀小姐！我同妳無仇無怨，而且仲幫左妳一次啦。我同妳冇拖冇欠呀。妳唔好纏住我啦。」





「我想你再殺多我一次。」

「吓？」因為太過震驚，我不由得驚叫。

Jenny說：「我都話左，依家好難再搵一個肯殺人既人啦。你係最適合既人選。而且……」

「而且點呀？」

「直覺話俾我知，你曾經經歷過生死，咁我諗，你一定會明白我既心情。」





快要吐血了。因為太過忿怒，我生平第一次對女性爆粗：「妳都痴撚線既。我話妳知，我一定唔會再殺人。」

是的。掌握別人命運的那一刻虛榮，遠遠不足以彌補掠奪對方性命後的罪惡感，昨晚的體驗，讓我確信於這點。

「求下你。一次就得啦。」她低下頭。「殺埋我今次，我保證以後唔會煩住你。」

「點解？」

「因為，我已經死左六百六十五次。」





在這個時候，她笑了，好像是在為快要解脫而笑著。

「即係仲爭一次妳就可以升仙？」我問。

「升仙……哦！我記得東方人好似係有成仙既概念，我諗應該差唔多啦。」

「咁妳自己自殺咪得囉。」

「唔得。六六六雖然係一個詛咒，但係對我地呢個種族黎講，某程度上係一個神聖既數字。第六百六十六次既死亡如果係自殺，就係欺騙，係一種褻瀆。」

「咁你之前自殺就唔係？」我冷笑。

「我有自己既底線，而且，作為最後一次生命，我真係希望可以由其他人親手終結。」

「痴線。」





神經病啊。她想自殺我管不著，但是為了成全她輕生而讓自己雙手沾上血，怎樣也說不過去。

她低著頭沉思，半晌後，她說：「我都知我有少少強人所難。不如咁啦，如果你肯殺我，我就會俾謝禮你。」

「吓？」

「你一個人住，但係架屋又立立亂，應該單身？」

「咁又點呀。我單唔單身關妳鬼事咩。」

「我估，你應該係……處男？」她吃吃笑道。

「頂妳，妳唔知頭唔知路就咪亂講啦！」





糟糕。剛才我的反應，不是證明了她的想法是對的嗎。算了，與其繼續掩飾，還不如有霸氣地承認。

「係呀，我係A0呀。有問題咩？」

「冇。冇問題呀。」Jenny語畢便突然站起，然後寬衣解帶。

「喂……喂！做乜呀妳。」

是應該阻止的。可是，我本能的欲望，阻止了我阻止少女脫衣的行動。我目不轉睛地看著她脫下裙子、脫下洋裝、脫下絲襪，直到Jenny身上只剩下胸圍和內褲。她雪白修長的長腿、吹彈可破的肌膚以及玲瓏浮突的輪廓，跟藝術品無異。

大概，這是我這輩子中看過最美麗的胴體，連我硬盤的2TB AV裡，也找不到有她一半水準的貨色。

少女的神態，無比狐媚。

「只要你肯殺死我，我咪俾你中出一次囉。」