粵文偽甜故—我們仨的校園純愛(跳躍式視角): 分身不暇的愛著妳和她

家文

巧玲：「起身呀！起身呀！」佢嘈完一輪之後揭起埋我張被，酒店啲冷氣都幾凍，真係想唔起身都唔得，女人最恐怖就係呢個時候。
我：「喂，搞乜鬼呀，好早咋喎…」
巧玲：「早啲起身去搵夢蝶吖！」
我：「吓，佢唔係話搞完屋企啲嘢晏晝過嚟松山搵我哋咩？咁早起身做乜？」
巧玲：「佢講就咁講啫，你唔係真係等佢過嚟呀？做男人就好心有誠意啲啦。」
我：「咁聽佢講都有錯咩？」
巧玲：「錯呀，女人最鍾意口是心非㗎！」
我：「唔怪之得妳哋成日嗌唔好啦…」


巧玲：「你講乜嘢話！」
我哋十點都未夠就退咗房，感覺真係好蝕，佢Google咗一陣就搵到要搭火車去汐止，都係搭三四個站咁樣，台灣啲火車飛重係好傳統一張細細哋嘅卡紙，搭完會打孔嗰啲，而賣飛部機就係超多制又要揀站，又要揀車種嗰啲，感覺好懷舊，好似郵局啲郵票機咁，唔似得香港同大陸嗰啲鐵路售票機差唔多變晒做touch screen好無手感。
香港搭火車即係東鐵線除咗頭尾嗰幾班之外，平時都係一位難求，不過呢度就唔同，基本上係無企位㗎，啲凳就一排排咁鋪滿晒，呢個鐘數一卡車都唔夠十個人，真係想點坐都得，坐定定之後我就諗返起好細個嗰陣香港啲火車凳都係一排排對住坐，同個logo一樣係橙色嘅，明明都一樣係搭火車，今時今日喺香港好似去打仗咁，而呢度就真係好有旅行feel。
喺汐止一落咗車，個感覺真係好空曠，比喺台北市中心更加少人，月台又好大，大堂又好大，個站都有啲鋪位，不過好多都唔知係無開門定無人租喇，出到去高樓大廈真係無乜，大部份都係五六層嘅平房，呀，有啲似香港嘅元朗咁，原來呢度就係夢蝶嘅另一個屋企。
我同巧玲喺汐止車站附近兜咗一個圈，可以話真係無嘢行嘅，就係一笪俾人住嘅地方，有啲地鋪，有個街市，有個未開嘅夜市場，於是我哋嘅結論都係繼續食嘢…
台灣有樣嘢好，餐廳任你坐唔嬲，唔會有人收枱趕你走，又唔會出面排晒隊雞咁眼望住你食剩幾多，嗌碗三十蚊台幣嘅滷肉飯就可以坐到天長地久；明明幾日前我同巧玲重喺度溫書溫到天昏地暗，今日就喺度hea到爛，真係唔錯，坐咗成粒鐘巧玲見差唔多時間就WhatsApp咗夢蝶，而我又嗌多碗仙草凍食。

夢蝶

我：「你兩個搞乜呀，咁早過嚟悶死你哋呀。」


巧玲：「幾好呀，日日可以咁樣，夫復何求。」佢打橫坐住張長凳晾埋隻腳上去，對住部手機係咁厾，成個阿嬸咁。
家文：「食多三碗仙草凍，我可以！」家文就一邊托住個腮喺度懶洋洋咁食仙草。
我都知台灣係有毒㗎喇，重要係市郊區，但估唔到佢呢兩隻嘢過到嚟可以咁適應，明明我就最唔鍾意呢度啲人個個行得慢到好似蟻躝咁。
我：「喂，你兩個過嚟做乜喎，都唔順路，一陣又要坐返回頭車去台北市中心。」
巧玲：「唔係呀，令到佢變順路咪得囉，夢蝶妳係咪可以出發喇？」
我：「順路？去邊呀？」
巧玲：「基隆啦，咁就順路。」
我：「基隆…有啲遠喎，咁我今晚返唔返屋企好…」
家文：「妳覺得巧玲佢會放妳走咩？」
香港人就真係香港人，明明前一分鐘都重係死蛇爛鱔，呢一分鐘就拖住我去搭火車，基隆我好似十年未去過喇，真係唔知帶佢哋去玩乜好。


我：「去到咁遠我唔識路㗎，未必帶到你哋…」
巧玲：「有Google咪得囉，唔使擔心喎，等我嚟帶台妹遊台灣啦。」
我：「不如買悠遊卡啦，下下買飛入錢好煩。」
家文：「但我想儲飛尾喎…」
巧玲：「細路仔自己去撳飛啦，我去買卡喇。」
咁去基隆就當然唔係去基隆市中心啦，猴硐，九份，行完啲貓村，瀑布，鑛山博物館，海邊景區都已經天黑，我哋就去返基隆市中心食晚飯。
我：「我都重可以返屋企㗎，可以慳返啲酒店錢。」
巧玲：「唔得，要順路吖嘛，我卜咗酒店大房喇。」
我：「咁住邊呀？」
巧玲：「野柳囉。」
我：「野柳風景區？去到咁遠，唔貴咩？」
巧玲：「放心啦，考完試想使晒啲錢佢，破財擋災咁就唔會炒粉，呀，我去個廁所先。」
我：「睇嚟我真係唔洗指擬返屋企…但係我真係無咁多錢去玩喎…」
家文：「我都無咁多錢，妳由得佢啦，可以放心跟住佢去玩。」
我：「咁點好意思呀，你哋琴晚一齊瞓有無發生乜事呀，你哋係咪分床瞓？」


家文：「無呀，得一張床，我哋一齊瞓，乜事都無發生。」
我：「佢唔抗拒同你一齊瞓咁好？不如你趁今次機會同佢表白啦，去咗外地成功機會大好多㗎。」
家文：「我唔想諗呢啲，呢十幾日我剩係想畀晒夢蝶妳，我要好好珍惜妳。」家文佢拖住我隻手，就好似第一日我出完貓俾佢拖住咁。
我：「傻瓜，你已經畀咗兩年我喇，又唔見你主動啲同巧玲發展下，第時無我喺香港陪你得返你自己一個人點算呀？」
家文：「咁返到香港先再算啦，最後呢段日子我想好好陪妳。」
我：「縮手啦，巧玲出嚟喇。」
家文，我真係好感激你呢兩年都可以陪喺我身邊，我同你玩得真係好開心，但好心你就為咗將來諗下啦，我唔喺香港你又變返日日打飛機㗎喇，我最多都剩係可以同你玩視像幫你，我都知道你而家好想惜我，但係有巧玲喺度我想黐近啲你都唔得，如果俾佢知道咗我同你一直以嚟嘅關係我諗佢一定唔會接受你。

家文

死火喇，攤喺床度瞓極都瞓唔著添，野柳區，一個我小學嗰陣就係台灣百科圖書見過嘅名，唯一有印像嘅就係嗰個女皇頭，估唔到十幾年之後可以見到真身；旅遊區嘅酒店真係唔同啲，大啲靚啲設施又多啲，不過好似都無乜用，我哋咁夜嚟聽朝又要一早周圍去應該都無機會享用到，呢間房真係大過琴日間房仔好多，應該有成三百幾呎，兩張大床，有雪櫃吧枱大浴缸，落地玻璃全海景，頭先佢兩個重好興奮咁企喺個窗前面自拍，不過行到咁攰佢兩個都好快攤落床度瞓咗。
其實有少少錢就可以有咁嘅享受又真係唔錯嘅，不過又有乜用吖，明明隔籬床瞓咗嗰兩個都係我嘅女人，點解要分床瞓？點解要著衫瞓？我哋明明就係應該成日裸體對住嘅，然後就可以喺度互相纏綿，分享對方嘅身體，但係當我哋三個一齊喺度嘅時候我哋就要扮到好正常，我真係有啲慨歎，到底為咗乜？
為咗掩飾我嘅錯？點解我會同一時間愛上咗佢哋？點解我唔可以一開始同佢哋坦白？其實佢哋鍾唔鍾意我唔係我最在意嘅事，我只係想過得…嘩！嚇死人咩，夢蝶佢做乜突然擘大眼望住我…
佢起咗身睇怕係想去廁所，不過佢就行咗嚟我面前殊咗我一下，叫我一齊入去，入到去佢好小心翼翼咁閂埋道門重反鎖埋添，好似好驚整到任何噪音出嚟。
夢蝶：「家文，快啲插我啦。」


我：「吓，而家咁突然？」
夢蝶：「我哋好耐無做愛喇，我驚你忍得好辛苦，谷精上腦就唔好啦，難得而家有機會…」
我：「巧玲瞓著咗未㗎？」而我當然知道佢瞓唔瞓都係無所謂嘅…
夢蝶：「我頭先拍咗佢幾嘢乜反應都無，應該瞓到好酣，唔好等喇，插入嚟啦。」
夢蝶佢拉低咗條短褲同埋底褲，兩隻手撐喺洗手盤前面趴喺度趌高個patpat，用佢個毛閪對住我。
其實我好想同佢講我琴晚先做完愛，唔會谷晶上腦，好想抱住佢一齊瞓返落張床上面舒舒服服咁做愛，因為巧玲係絕對唔會理我哋…
但事實喺，我又點敢開口。
好在個廁所夠闊落，好乾淨，空氣清新，比起我哋以前喺殘廁玩係更加舒適；因為無前戲，所以我就吐咗啖口水落我個龜頭度，輕輕一堆就成條入晒去，我一路插一路喺塊鏡度望住佢個樣，因為佢唔可以出聲嘅關係，所以就將個嘴唇合到好埋，但係咁樣個鼻噴氣就好重喇，打落塊鏡度整到成笪起晒霧，佢擘大隻眼望住塊鏡入面嘅我，我哋四目交投而佢嘅眼神就好似想同我講一切都奉獻晒畀我咁。
夢蝶，我對妳唔住，點解我要瞞住妳…
我解開咗佢個Bra，我好鍾意呢個姿勢，雖然隔咗件衫但因為佢個波實在太大所以都睇到盪(啷)下盪下咁，而個衫領望入去就一大條乳溝。
我右手伸入去佢件衫入面揸波搓linlin，左手就去佢下面捽佢陰蒂，望住佢唔出聲死忍個樣真係特別high，咋一聲就想射精。
我掹咗出嚟，兩三下射晒落個浴缸度，正想攞個花灑清理現場嘅時候夢蝶阻止咗我。
夢蝶：「唔好開花灑呀，啲水聲會嘈醒巧玲，等佢溶咗就唔覺㗎喇。」
我：「哦，好呀。」
夢蝶：「嗯，得咁少嘅，你梗係琴晚曳曳諗住巧玲打飛機喇！」


我：「欸…俾妳發現咗添…」
夢蝶：「你覺得如果我唔戴Bra瞓返o唔ok？聽日起身巧玲見到會唔會覺得我係好隨便嘅女人？」
我：「我諗無所謂嘅，戴Bra瞓真係好唔舒服，妳哋起身先咪得囉，我會扮到乜都睇唔到…」
夢蝶：「好喇，我哋要返去瞓喇，惜啖先。」
返上床，又點會咁快瞓得著吖，剩返嘅十二日，有好多嘢想做，但又乜都唔敢做，諗下諗下又聽到夢蝶輕輕嘅鼻鼾聲。

巧玲

等咗好耐，終於等到夢蝶瞓咗…
我坐咗起身，家文佢重未瞓，見到我彈咗起身又好似見鬼咁，於是我又拖咗佢入去廁所。
我：「次次我詐瞓夢蝶都信到十足十，真傻豬。」
家文：「咁巧玲妳又唔瞓嘅，無嘢嘛？」
我：「夢蝶有愛做，我又要…」
家文：「吓…吓…咁…」
我：「講笑咋，你肯做我都驚你辛苦啦。」


家文：「其實都可以嘅，不過我而家好多嘢諗，好煩，做愛都專心唔到。」
我：「你除咗識同夢蝶做愛重識做乜吖，無鬼用。」
家文：「我諗得掂就唔使好似而家咁煩啦。」
我：「浴缸入面俾你遺棄嘅嗰啲精子都幾慘下。」
家文：「妳想講乜呀？」
我：「就好似夢蝶嘅心俾你遺棄喺台灣咁，就算喺度同你扑咗十幾日，佢又可以得到啲乜？」
家文：「我…我會諗辦法…」
我：「其實好想捉你落去同我spa，廢事嘥晒酒店啲facilities，不過男女分開好無癮，好浪費。」
家文：「妳不如揀啲平啲嘅旅館啦，我哋真係受唔起。」
我：「我哋兩個靚女不求回報咁同你做愛你又受唔受得起呀，講呢啲…錢方面我有分數啦，我預咗玩嗰啲錢今次洗晒佢㗎喇，財散人安樂，唔想煩。」
家文：「吓？妳做咗咁耐…想一次過使晒？」
我：「你係咪傻㗎，邊有可能呀，我計過三年大學總共要使幾多錢，咁剩返嘅咪而家玩晒佢囉。」
家文：「夠用三年咁多…」
我：「係呀，其實援交真係幾好做，只要你放開啲，咁樣賺錢其實好舒服。」
家文：「我真係唔明點解妳會咁諗…」
我：「做一次愛同做一百次愛有乜唔同，你會更加愛對方咩？同一個人做同埋同一百個人做又有乜分別？只要都係乾淨同安全。做得援交，妳感情上面都係唔會得到任何嘢，一份空虛同一百份空虛都係空虛，但係一份錢同一百份錢就唔同，所以踩咗落去就會好容易一直咁做落去。」
家文：「雖然我幫唔到亦都阻唔到妳，但咁樣好咩？」
我：「當我知道你會惜返我我就覺得一切都好好，所以你都要一樣惜夢蝶，知唔知？」
家文：「嗯…」
我：「好喇，瞓喇，惜啖先。」
真係眼瞓喇，不過家文佢就重係好似轤轆轉咁。
我：「早晨呀…夢蝶…」
夢蝶：「欸…早晨…」
我：「係時候郁未呀？家文重係成隻死豬咁…」
夢蝶：「唔好理佢啦…我哋去執下個樣先…」
我：「夢蝶妳做乜無帶Bra嘅？」
夢蝶：「舒服嘛…無所謂啦…」
我：「啊！妳曳喇，等我叫醒家文起身睇先…」
夢蝶：「喂！唔好玩啦，黐線㗎咩！」
我：「家文！起身喇！夢蝶姐姐無戴Bra呀！」
夢蝶：「喂！咪嘈醒人啦，傻㗎咩，家文繼續瞓！」
我：「原來真係好大㗎！嘩，重好好揸呀！」
夢蝶：「哎呀！唔好攪啦，妳自己無咩？咦？喂！巧玲妳咪一樣無戴，有乜資格話我。」
我：「點同喎，妳咁大好礙眼㗎嘛！」
家文：「…，唔好嘈…啦…，俾我瞓多陣…」佢擰都無擰過嚟一下，我唔知佢想唔想睇，但我就肯定佢係想繼續瞓。
我：「夢蝶，其實家文有無問過妳可唔可以揸妳波呀？」
夢蝶：「梗係無啦，黐線㗎咩，唔通佢有問妳？」
我：「無呀，係因為我想揸妳，嘻嘻！」女人，係一種講大話好叻嘅生物，尤其係對住好姐妹。

家文

今朝我好似有啲印像佢哋討論過波呢個問題，不過詳細講乜我真係乜都唔記得…
巧玲：「你做乜好似一副就死咁嘅樣㗎，醒啦！」
夢蝶：「乖啦，畀啲精神嚟啦，你重要幫我哋影相㗎。」
大佬，我今朝日出先瞓呀，而家又點會有精神呀…不過其實又唔關佢哋事，都係自己衰，野柳區係靚嘅，我剩係知有好多石頭，有沙灘，有個情人湖，有個觀景塔，日頭嘅嘢我剩係知咁多咋，最後我哋上咗一㗎八六二號巴士，就好似香港條九六R咁，沿路有好多風景，佢哋應該睇得好開心，而我就夾喺佢哋中間挨住佢哋瞓，我都唔知自己挨左定挨右喇。
到我醒返嘅時候已經到咗淡水落車，時間都嚟到黃昏喇，差完電係精神好多，我哋喺淡水老街度行同醫好個肚，之後又轉巴士去漁人碼頭，呢啲景點通常都係得個名，然後又開好多貴夾唔飽嘅海鮮餐廳喺度劏客。
巧玲：「漁人碼頭有乜特別㗎？」
夢蝶：「我細個嗰陣嚟過，完全無特別，不過有條橋，叫情人橋，差唔多全部鴨仔團都會嚟呢個景點，同金紫荊嘅原理差唔多。」
巧玲：「頭先野柳有個情人湖，淡水有情人橋，點解台灣咁多呢啲景點嘅？」
夢蝶：「信我，台灣人最鍾意巧立名目，乜都係得個講字，其事無乜內容。」
巧玲：「係咪前面條橋，都唔係吖，幾靚呀！」
夢蝶：「咦，夜晚…又真係幾靚㗎喎。」
夜晚，呢度其實已經唔係幾多人，無乜旅行團，唔會好似香港維港夜晚咁恐怖，條橋著咗燈，講真又唔太差嘅，一陣陣海風吹埋嚟其實都幾舒服。
巧玲：「係咪情人拖手行完條橋就可以一生一世㗎喇？」
夢蝶：「呢啲嘢重邊有人信㗎…」
巧玲：「不如我哋拖住一齊行咯。」
夢蝶：「但係我哋呢度無情侶喎…」
巧玲：「情人啫，唔一定係情侶嘅，朋友都有感情㗎嘛。」
夢蝶：「咁益你啦，家文，俾你企中間啦。」
都無話益唔益嘅，我又唔係未拖過，但唔知點解我就拖住佢哋兩個一齊由橋頭行到去橋尾，橋上面都有好幾對情侶拍緊拖，當我哋經過嗰陣佢哋都用奇異嘅眼光嚟望住我哋，我有啲預感，好似好快會有嘢發生。
我哋三個拖住手，一齊喺橋上面吹下海風謦下欬，其實我都係唔捨得放開夢蝶隻手，因為我知道好快我就要同佢分開。
夢蝶：「係呢，我哋今晚住邊呀？」
巧玲：「北投。」
夢蝶：「去浸溫泉？」
巧玲：「係呀，我訂咗兩日，呢兩日繼續喺台北玩先啦，之後先再郁啦。」
夢蝶：「吓，重想郁去邊？」
巧玲：「邊度順路咪郁去邊囉。」
搭完捷運去到新北投，車站嗰度已經有酒店車等緊我哋，原來溫泉區係要上山，雖然條路唔係好長，但如果要行都幾係嘢。
入到房就一如我所料又喺嘩一聲，間房重大過琴晚嗰間，有三張床，一張double，兩張single，不過可能因為呢度係老式旅館嘅關係裝修就無咁靚，個沖涼房真係好鬼大，唔係放浴缸，而係用磚起咗個好大嘅正方形嗰啲，出面就有個露台，有個私人溫泉池，唔好話三個人，就算五六個人一齊浸都應該無乜問題。
夢蝶：「使唔使住間咁大嘅房呀？」
巧玲：「無計呀，呢度係要家庭房先有露天溫泉，無所謂啦，三張床一人一張唔係幾好咩？」
夢蝶：「啊，妳係咪嫌我琴晚迫住你呀…其實沖涼房嗰度咪放到溫泉水囉，而且天台common area嗰度都有露天溫泉啦。」
巧玲：「唔想同人share吖嘛，又要著泳衣咁鬼麻煩，都係private啲free啲好，我無嫌妳迫住我瞓，我係驚妳又真空瞓喺我隔離我會忍唔住揸妳。」
夢蝶：「喂呀，家文喺度㗎！」
巧玲：「識咗咁耐，無所謂啦，家文去幫我哋放水。」
個池咁大真係有好有唔好，放水都要放幾個字，原來啲溫泉水真係好鬼熱，我要不停咁溝啲凍水溝到啱啱好。
我：「兩位靚女，我搞掂啲水喇…」
夢蝶：「好喇，你任務完結喇，可以返返入間房度喇，唔好偷偷走出嚟呀，或者你自己去浴室浸啦。」
我：「唔喇，咁樣好嘥水，我等妳哋浸完我先出嚟浸啦…」
巧玲：「嘻，你梗係唔會自己去浴室浸啦，你貪個池啲泉水俾我哋浸完之後會香啲咋嘛。」
於是乎我就乖乖哋攤喺張床上面睇電視，台灣電視其實真係幾好睇，啲綜藝節目好白痴，而啲新聞就好似綜藝咁。