我與家姐的互相育成遊戲: 第十三章 初次相擁

張sir主要係教體育，但最近佢都有幫手代課教下數學。我估計係代教數學時，開始同家姐多左接觸。

呢個張sir陽光大隻，出入係揸電單車，成個型男既款，人又幾好。我本身都覺得佢唔錯，但估唔到佢竟然係啲咁既人。

確認左對像就係張sir後，我當然即刻打開app，戴上耳機，偷聽佢地對話。

餐廳環境唔算清靜，但該聽既我都聽到晒。事情既發展，實在係出乎我意料之外。

躲係暗處觀察既我，唔駛一陣就見到家姐自己一個出返黎。而就係佢踏出餐廳既果一刻，佢強行忍住既淚水，已經制止不住咁湧出黎。



我生平第一次見到家姐喊得咁傷心。

而我，見到家姐咁，我都高興唔落，雖然岩岩收到一個令人高興既消息。原來我錯怪左張sir，張sir佢岩岩對家姐講既，大概係叫家姐努力讀書，佢只係當家姐係普通學生之類之類，雖然溫和，但斬釘截鐵，完全斷左家姐既希望。

家姐個人好似失去左方向咁，邊喊邊行，漫無目的。最後，我跟佢黎到商場附近既公園仔，家姐終於停低，求其搵左張櫈坐低，埋頭痛哭。

見到家姐一款楚楚可憐既樣，我實在係無辦法企係側邊睇住佢喊。

我慢慢咁行近家姐，然後細細聲叫一聲：“家姐。”



“細。。。細佬？”家姐抬頭，錯愕咁望一望我，然後用手抹一抹眼淚。

“我諗住落商場買飯，點知見到你。。。所以就跟埋過黎。。。做咩係到喊啊你。。。”

見到家姐眼都紅晒，我好心痛。

“無。。。我無野。”

“有咩唔開心可以同我講架，我實撐你架，家姐。”我即刻進入溫柔mode，並且坐係家姐旁邊既空位到，為家姐遞出一張紙巾。



眾所周知，當一個人傷心既時候受到安慰，反而係會喊得更加大聲，更加凄涼。家姐亦都唔例外。

最後家姐都無隱瞞佢鍾意啊sir既事實，邊喊邊斷斷續續咁講頭先俾張sir拒絕既事。

“點解你地啲男仔可以咁樣，前後可以反差咁遠？之前明明對我好好，仲成日同我傾signal，今日就突然變晒？”家姐一輪咀咁發泄，邊呻鼻涕邊講。

“好難講架，佢話晒都係老師。。。無事既家姐，你咁索，大把人等住追你，向前看囉。”我唔太識安慰人，只能講啲老生常談既野。”

“唉，到你有鐘意既人就會明。”

“我有啊。”我點會唔明，我咁鐘意家姐。

“嗯？你有鐘意既人咩？邊個？”

“啊。。。啊miss chan。”雖然係臨時亂up，但都唔算大話，因為miss chan真係好正，我諗個個男同學都鐘意佢。



“哦。。。miss chan，咁又係，miss chan又靚又有身材，仲要成熟。可能連張sir都鐘意佢。”家姐失落咁講。

“唔係啊，我就覺得家姐你靚過佢。”

“哈哈，係咩。”家姐敷衍咁打個哈哈，明顯以為我氹緊佢。

我同家姐坐係公園唔知傾左幾耐，家姐既心情終於都漸漸平伏落黎。

“多謝你啊細佬，我好好多啦，返去啦。”家姐企起身，掃一掃佢條短裙。

我好高興家姐終於振作起黎，可惜，呢份高興只係極其短暫。我地係公園行左無耐，家姐就突然停低左。由佢眼神望過去，遠處一對情侶係到嬉戲打鬧，笑得好開心。

大概，呢啲就係叫觸境傷情。家姐既眼淚又準備跌落。



“唉丫，唔好望啦。”講完，我雙手搭住家姐膊頭，然後擰一擰佢身，令佢只能望住我，望唔到果對情侶。

家姐一臉可憐，滴住淚咁望向我。忽然！家姐成個人撲落我到，緊緊咁攬住我。

“細佬。。。可唔。。。可以俾家姐攬陣。嗚嗚。”

家姐突如其來既舉動，令我嚇左一跳。我“嗯”左一聲之後，都唔識俾其他反應。

但係隨住時間既推移，我終於感受到家姐胸前既柔軟，懷中少女既髮香。我慢慢咁，雙手同樣攬實家姐條腰，然後輕輕咁一時輕拍背，一時輕掃長髮等等，以示安慰。

家姐攬住我喊左好耐，由係我懷抱喊到一抽一搐，到逐漸平靜都仲攬緊。

忽然，“咕”的一聲，係我肚餓既聲音。呢一聲肚餓聲，係我懷抱既家姐聽得十分清楚。

家姐輕輕推開我，破涕為笑咁講：“傻仔，好肚餓咩你？超大聲囉。”



“都幾架。。。我仲未食飯。。。”但見到家姐呢個笑容，我諗我已經足夠。

“返去啦！我煮面你食！”

家姐講完，“啪”一聲，用佢手背拍落我心口到，然後邁起腳步返歸。

有啲痛，但好爽！我馬上跟上家姐步伐，追上去。