我與家姐的互相育成遊戲: 第五章 家姐心情低落

一朝起身，又準備返學了。我期待住今晚晚上同家姐既特訓。

我同家姐都係讀同一間學校。我地屋企離學校唔遠，行過去就得。

家姐之前係學校既prefect，因為中六關係要專心DSE先無做，但就因為咁，令佢養成左早返學校既習慣。所以，雖然係同間學校，但我地好少一齊返學。因為我唔到打鐘前一刻都唔入校門。

岩岩刷完牙出黎既我，已經見到身穿白色校服，腰繫紅色腰帶既家姐係到一邊紥馬尾，一邊將佢隻腳zip入婆仔鞋入面。

紥頭髮既動作，令到胸部高高挺起，原本已經夠大，咁搞法就大上加大。



“我返學先啦，你慢慢。”家姐拉一拉佢對白襪仔，一邊出門，一邊講。

目送住家姐背影既我，呆左陣。但，回味還回味，學都係要照返。

返到學校，每日既工作都係上下堂，洽下，訓下咁。我趁住小息呢段時間，拎出電話，打開個app。左邊紅色果一欄，竟然連一半都唔到。

“家姐發生咩事？”我心諗。

我不知不覺中，已經相信左呢個app既高科技，而事實都証明左，個app真係有能力做到。



“家姐你唔開心？”關心家姐既我，即刻發一發短訊俾佢。

“岩啦，我正想搵你。”家姐秒回。

“咩事？”

“我唔記得帶PE衫啊。。。計埋今次係第三次啦。。。”

我明了，第三次無帶到PE衫，的確係會俾個MISS王鬧到仆街，佢出名惡。



“咁慘。。。”我都無辦法，只能安慰。

“你要幫我。”

“下，點幫？”

“借你套PE衫俾我囉。”

家姐真係狗急跳牆，咁都俾佢諗到。咁岩今日我地都有PE堂，而我地學校男女PE衫都係一樣既，無分別。

我無記錯，家姐係上午上，而我就係下午。所以，呢個方法係絕對行得通。

“但。。。你岩著咩？”

“是但啦，大件少少唔怕啦，有啲同學都係咁。”



“咁好啦。。。”見到家姐咁緊張，作為細佬既我，絕對唔會say no。

“太好啦，錫晒你！”

家姐真係好驚俾MISS王鬧。

最後，我地約好係下一個小息既時候交收。