我與家姐的互相育成遊戲: 第一章 家姐的喜好

我叫做黃湛星，今年岩岩升中五。而我家姐就叫做黃丹月，今年岩岩升中六，我地相差一年。

我家姐同其他港女唔同，佢唔鐘意去玩去浦，唔鐘意物質名牌，佢鐘意既係打機。

有個咁既家姐，對於我啊爸黎講，係一件好事，因為起碼唔會惹到啲咩事返黎。但對於同樣鐘意打機既我黎講呢，咁就唔係一件好事。

雖然我屋企係中產家庭，但大電視就得一部，有啲game係用大電視先打得爽，俾家姐搶左黎用，咁我就無得玩了。

星期日下午十一點，岩岩訓醒既我一出廳，果然見到家姐已經霸左部電視，係到玩緊跳舞game。



“你肯定又由朝玩到衣家啦。”我邊講邊行去廁所。

“好過你訓到衣家先起身。”

梳洗完後既我，當然第一時間要整野食。我地係單親家庭，啊爸每逢星期六日或者假期，通常都唔會留係屋企。所以我同家姐要自己搞掂。

“我煮面食啊，你要唔要？”

“唔駛，我食左野。”家姐邊跳邊應我。



“你身材已經好好啦，唔駛再學人減肥。”呢番說話係我心諗，並無講到出口。因為讚自己家姐，我自己會覺得怪怪地咁。

家姐既身材的確係好好，170左右高，只係矮我少少，波大大，蘿突突，腳既比例得天獨厚，著上短褲，真係淨係對腳都可以望成晚。大脾有肉地，小腿夠結實，又白又滑。

煮好面既我，坐係廳到低頭食面。我唔係好敢望住家姐，雖然家姐背住我跳舞，就算我昅佢，佢都唔會知道，但係接受過良好教育既我，明白呢樣唔係君子所為。更何況，對象係我家姐。

所以我真係好唔鐘意佢同我爭電視，搞到我唔知點好。望又唔敢望，機又無得打。

不過話雖如此，話就話唔敢望，但總係會忍唔住偷望幾眼。



家姐跟住電視螢幕既指示，跳緊一啲好簡單既舞步動作。身穿白色小背心，運動貼身短褲，紥住條馬尾既家姐，彎身，扭腰，小跳步，全部都充滿住少女既青春活力。

“幾時輪到我啊。”食完面既我，其實只係隨口咁講，我心入面都打定主意入房玩手機，唔會同佢爭。

“好啊，衣家俾你玩。”家姐另轉頭對我講。

“唔係掛，今日咁順攤既？”我望住家姐精緻既面孔講，佢額頭已經滲有些少汗珠。

“俾你玩呢隻game。”家姐露出個整古做怪既表情。

我都估到家姐無咁好死，於是我對佢反一反白眼。

“咁啦，如果你跳得高分過我，咁今日就讓俾你玩啦。”

“你話架！”



“好有信心咁喎？”家姐嘻嘻笑。

“好有就唔敢當，少少咁啦！”