那些我曾喜歡的人: Chapter 0：序

讀左六年中學，唔多唔少都會有一兩個鍾意既異性同學，但係你有冇試過由鍾意一個同學到愛上另一個同學，然後放低既階段呢？

呢個故仔其實係我讀緊中學時候既寫照嚟既，都算係真人真事。喺六年嚟，我經歷左好多事，令到我學識左點樣放低呢兩個人，唔再投放感情喺呢兩位同學身上。

中一既時候，我好高興識左一個同級既男仔，暗戀左佢大約有三年有多，但係一直都唔敢講我對佢既諗法；直到中四既時候，我突然同左一個細三年既師弟做fd，高中呢三年除左同自己啲好朋友玩之外，幾乎係同佢一齊癲咁滯，亦漸漸咁鍾意左佢。雖然我只係佢地隻兵，但係俾我記錄下呢啲往事都何嘗唔係一件壞事，至少係甜蜜同美好既。只要佢地覺得快樂既話，我內心都會戥佢地開心㗎。

呢一次係我第一次喺網上平台認認真真咁寫文，縱然之前小五、六既時候有試過喺facebook寫過小說，不過嗰啲文文筆都幾低能、無聊，所以決定重新嚟過。希望大家多多支持下呢篇文，多謝你！