放在心尖上的初戀: Ch.2 你不是沒脾氣，只是不曾對我發脾氣

Ch. 2 你不是沒脾氣，只是不曾對我發脾氣

第2天，我又是最早返到班房的一個，
我一返到班房，就將那張枱拍好，緊貼在一起，我看他這次仲拉不拉開張枱！

叮噹叮~~噹，上課鐘聲響起，意味着我們又要開始沈悶的上課日，

我去完個厠所，返到嚟就見到我既同桌已經坐喺到，
我裝作若無其事咁返去嗰位到，哈哈…我見到張枱今次冇被人拉開，
昨天對他的一絲不滿頓時消失在心頭。





既然接着下來的半年都會是對方的同桌，自然要好好打好關係先啦，
要打好關係一啲都唔難，我同啊木開始會吹下水，講下笑，搞下gag，

我唔係冇嘢搵嘢嚟搞，但就真係好鐘意同啊木搶嘢，
見住佢個無奈嗰神情，就覺得好好蝦，而佢又會反抗一下咁，
比如我拎佢支筆，佢就會拎番我本書，我地成日都會互搶大家啲嘢，
當其他同學都聽緊書嗰陣，最嘈嘅自然係我同佢，經常都會聽到我和他的笑聲，

因為大家住同一個屋邨，我同佢有時放學會撞到對方，




於是手多多的我又再次拎走佢嘅嘢，佢就追住我跑到我屋企樓下，
我地會猜包剪揼嚟決定物件嘅擁有權，即使嗰件嘢本身就係佢既。。。

唔知點解，身邊差唔多每位女同學嘅髮型都係好一致，
總會有一片頭髮遮掩住個前額，

有一日，因為朋友間有爭吵，情緒很失落，
返到去課室冇同人講嘢，亦冇同啊木玩，

上課的時候，因為一時忍不住，流下了幾滴眼淚，




我以為沒人察覺我的不妥，
點知原來我的不妥一早落入啊木的眼中，
他冇安慰我，
但就同我講咗句嘢「我終於知道點解你地女仔咁鐘意留陰啦，因為喊嘅時候可以遮住隻眼喊」

我唔知佢係安慰我定係想分散我既唔開心，
但嗰一刻嘅我的確係好認同佢嘅說話，亦好俾臉咁笑咗出嚟，
雖然我唔清楚係咪真係咁嘅原因，但我的确因為佢而忘記我的失落，
也許由哩一刻開始，佢就喺我心自中嘅地位唔同咗。。。

從此，我同佢之間嘅交流除左你搶我嘢我搶你嘢之外，
亦多左樣嘢，
就係每當我唔笑，扮cool嘅時候，佢就會不停咁整我笑，
務求令我扮唔到cool，雖然係幼稚，但我同佢就係咁樣開開心心又一日。





坐得埋又玩得開心嘅我同啊木自然令唔少人都覺得我同佢好曖昧，
講笑咩，中一咋，邊識咩曖昧唔曖昧架，
雖然話就話咁講，
但無可否認我唔覺得對啊木反感，

我唔知咩叫曖昧，點先算曖昧，
但我一直堅持自己同啊木唔會有可能，

我同佢玩得埋都係因為我覺得啊木份人好好人，
我點樣整佢佢都唔會嬲唔會發脾氣，
每次放學，佢既手臂總有幾條我支螢光筆留下來嘅“痕跡”，
但即使咁樣，佢都冇發過我脾氣，
我就剩係覺得啊木好好脾氣，好好人，僅此而已。

後來我先知道,唔係佢冇脾氣，只係冇對過我發脾氣而已。。。