鬼殲: 00

坐靠窗邊位置，隨著巴士向前，經過旁邊一棵棵樹木。引擎嘅聲音從未停過，直到我離開車廂。
 
落車之後，一段再熟悉不過嘅道路出現喺我面前，我返屋企嘅路。天色昏暗，原本綠油樹木要等第日先可再現光澤。經過崎嶇道路，我終於返到自己屋企。
 
住系圍村有一個好處，就係唔使搭「升降機」。推開鐵閘，已經聞到老豆買嘅燒味。喺張圓檯上面食飯嘅就只有我地兩個。
 
除低衫褲鞋襪，系企缸攞起花灑沖身。聽到後方嘅開門聲，有股氣息系後方衝過嚟。苗條的身材喺背後攬住我，我女朋友阿Ka嘅下身撞向我嘅屁股，雖然佢身上著住白色內衣，不過好快就除左係地板。
 
我地轉左系床上搞野，然後有人開左對門。我老豆入左房，朝住工具箱位置向前，將個箱攞起。
 




「老豆我鎖左門架喎。」
 
「我知啊！我有鎖匙！」
 
佢本身鄉下長大，用一把豪壯嘅聲音同我講。
 
「我地搞緊野啊！」
 
我好無奈感講出個問題。
 




「你有邊忽我未見過呀？」
 
佢就理直氣壯感話。
 
「Hello, Uncle！」
 
我女朋友依然系全裸狀態，但佢好自然感同我老豆打招呼。
 
「我個名唔系ungo 啊，我叫『 的 』啊。」
 




我老豆應返佢。
 
老豆一把年紀，唔識英文。知道有個Dick字已經好好。佢以前做裝修，好鍾意工具。老母仲系度果陣成日話佢「搞啲工具都唔搞佢」。
 
圓月掛系夜空，蟬聲陣陣。阿Ka背靠我，問我點解有時會望呢望去，我話我地家族喺見到嗰啲嘢，佢以為我講笑。見風轉涼，送左佢返屋企，都系圍村附近。
 
著住便服訓喺張床上，本嚟系等待新嘅一日。
 
本嚟系。
 
外面突然響起唐狗嘅叫聲，我地屋企嘅細黑比平時更加惡。幾秒之後，聽到狗臨死前嘅慘叫聲，仲有骨同肉撕裂嘅聲音。
 
我即刻出房，攞起竹棍，打開屋企正門，見到唔喺呢個世界嘅嘢。一隻同我身型一樣咁大嘅草猛系我面前，隔離係斷左氣但軀體完好嘅細黑。
 
隻大嘢見到我即刻撞埋呢，我嚇到訓低左。就呢比佢攻擊嘅時候，有啲野撞向草猛個頭，佢成隻嘢倒地。我望後面先知，原來系老豆玩開嘅彈弓。佢用以前染上念珠粉末嘅石頭打暈左隻大草猛。




 
「同我攞住！」
 
老豆手上遞出幾道黃色符咒。我熟手感攞起，包住木棍前端，符咒自動癡住木棍。
 
「出面有幾多隻？」
 
「我見到十幾隻。」
 
老豆嘅語氣好似打黃蜂感，好淡定。佢攞起廚房把大菜刀，貼上符咒。叫埋我出去打草猛。
 
「行啦仔，今晚可能會死架。」
 
佢笑容燦爛感同我講，好似隔離村細路打機感，講完令我更加不安。