王者之戒: ch1 初得戒指

"點解我會訓咗係地下嘅？嗯！？呢到係邊到黎架！？"當啊浩醒返嘅時候，佢周圍望，佢發現自己處於一個四方八面都係白色一片嘅地方。
突然間，係佢嘅視線出現一名白髮老人，雖然呢一名老人滿頭白髮，但係佢俾啊浩嘅感覺係好強大。正所謂要知道一個人係強係弱，並唔係睇佢嘅外表，而係感覺佢散發出黎嘅[氣]息。
當啊浩仲發緊呆嘅時候，個名白髮老人對住啊浩講嘢"後生仔，你醒啦？" "呢到係邊到！？你係邊個！？點解我會係呢到！？"啊浩反問。老人家輕笑”呵呵，你問我今多問題，我點答你啊。”
”首先，等我自我介紹一下，我叫做鴻天，係呢隻戒指本身嘅主人。” ”戒指？咩戒指啊？”啊浩一路回億一路問。
”咪就係你係十蚊店用5蚊買嘅個隻戒指。”鴻天回答啊浩。
啊浩不斷諗不斷諗，終於俾佢諗返起。
係朝早嘅時候，因為今日大學朝早無堂，所以啊浩就去咗商場行下，當佢行到十蚊店門口，佢望到一只漆黑嘅戒指，突然，佢感覺到自己腦海中有把聲，不停叫佢買隻戒指，佢頂唔順，所以買咗隻戒指。
而佢買完戒指後，返去自己嘅宿舍，但當佢步入自己間房嘅一剎，佢覺得好頭暈，之後就無咗知覺。
“你終於諗返起啦。 我時間無多，交待完呢隻戒指嘅事，我就要走。呢隻戒指叫做王者之戒，佢收藏住千千萬萬嘅世界，有咩世界就要靠你自己去發掘。死火，仲有一分鐘，如果你有咩唔明，你可以問下小天。我要走啦，good luck！“啊浩傻咗今聽完鴻天講。
當佢想問清楚關於戒指嘅事嘅時候，鴻天已經唔見咗。但係就出現一隻嘢，啊浩望住隻嘢，佢發現原來係一隻精靈。




無錯，就係我地由細到大，係卡通片入面見到嘅個種 細粒，尖耳，識飛 嘅個種精靈。
個隻精靈突然間出聲“主人你好，我叫小天！請問主人你有咩想問我。“ “你快啲話俾我知點樣出返去！“啊浩問“主人，只要你係個腦入面諗出去，今你就會出到呢個空間。“小天有耐性地講。
啊浩立即跟住小天所講嘅做。
果然，佢成功出到去。
佢見到熟悉嘅房間，熟悉嘅體味。
當佢諗緊頭先嘅一切係唔夢嘅時候，小天嘅聲音響起“主人，如果你想入返去空間，只要將精神集中係戒指上面，就可以簡肉身進入或者意念進入！“
而當啊浩聽到小天嘅聲音，佢就知道一切都係真實而唔係虛假。