唔係連個天都挽我吖嘛？: 3.一見鐘情

XX中學嘅開學禮
校長：大家好！又黎到新嘅一年，我係到祝福大家係來年會有順利同開心嘅一年。首先，我地一齊用熱烈嘅掌聲歡迎中一嘅同學。（啪啪⋯）好，我地而加介紹一下今年嘅新老師⋯⋯
無論台上嘅演講有幾有趣，都吸引唔到一個四眼肥妹嘅注意，無錯，呢個四眼肥妹就係上文提及嘅蕭晴藍，因為佢已經被一個男仔所吸引，佢就係李民彥。民彥feel到有人望住佢，理所當然嘅拎佐個頭過去，佢見到晴藍癡情咁望住佢，有d嚇襯，但係佢都好有禮貌咁同晴藍點頭微笑。
民彥：妳好吖！我叫李民彥吖！我今年F3，妳呢？
晴藍成塊面紅晒，個頭愈黎愈低，把聲都跟住愈黎愈細聲，好冇自信咁：你⋯你好吖！我⋯我叫蕭⋯蕭⋯晴⋯晴⋯藍⋯我⋯我⋯今年⋯讀F1吖！
民彥：係吖！歡迎你黎到XX中學吖，晴藍！我讀3B班，以後有d唔識都可以隨時黎揾我㗎！妳塊面紅紅地好得意吖！唉呀！校長講完嘢啦喎，要番班房啦！好啦，咁遲d見啦！
晴藍：多⋯多謝你吖！再⋯再見！
民彥再同晴藍笑一笑，就轉過頭就走佐啦。晴藍不自覺失望，希望時間可以停頓，但係民彥已經走得無影無蹤，消失係人群之中。民彥嘅笑臉漸漸係晴藍嘅腦海中劃過，唔通呢d就係成日係漫畫丶書入面見到嘅一見鐘情？晴藍連自己都估唔到自己竟然會咁容易就墮入情網，民彥已經悄悄嘅鑽入佐晴藍嘅生活，民彥每一個動作，每一個笑容，每一個情感，每一句説話，都已經不知不覺滑進晴藍嘅腦海，滑進晴藍嘅心中，刺激晴藍體內嘅每一條神經，令晴藍震撼，令晴藍無法喘息。突然，有一把聲驚醒佐晴藍⋯
老師拍拍晴藍嘅肩膀：同學！同學！妳做什麼呆佐企係到吖！要入課室啦！妳讀邊一班㗎，係唔係唔識去吖！
晴藍四周圍望，剛才好熱鬧丶好嘈嘅禮堂只係得番佢自己一個同埋身邊嘢老師，佢即刻急急腳咁走佐去。不論身後嘅老師幾大聲叫「同學，妳點吖，有冇唔舒服吖！妳知唔知班房係邊吖！」，晴藍都知道果個老師係擔心同關心，但係佢都好堅決咁不停咁向前走，唔想拎個頭過去，希望儘快入課室，儘管佢唔知佢班房係邊。