是咁的，我同女神做咗鄰居: 好L長的後記
話說我今日終於考完試，好耐無打過嘢，今晚終於可以打下。
預咗呢篇嘢唔會有鋪排，因為我從來都唔鍾意計劃，鍾意寫咩就寫咩，內容結構WFC。
終於完故，估唔到我都有今日。
唔知點解，個人好似好空虛咁，明明之前好期待呢一日嘅到臨，但嚟到呢一日之後，又好似有啲失落，一個奮鬥咗大半年嘅目標，終於完成咗，係感動嘅！
由第一日寫故開始，我就期待緊自己可以有機會可以咁樣寫後記，而家總算係願望成真。
寫到個後記出嚟，啫係代表我竟然可以抵受住External and internal pressure(啱啱考完History唔好意思) ，成功寫到一個完整嘅故仔。
係呢到，我想係螢幕前嘅大家比啲掌聲自己，I mean我自己ok？
無我無呢個故，所以榮譽歸自己，好耶！
好喇9up完喇，點都要講下啲正經嘢嘅。
寫故係我嘅夢想，當初寫故嘅原因係因為生活太苦悶，想逃避下現實，同埋紙言好睇嘅故太少，所以想寫個啱自己口味嘅故。
嗱我係無講過自己個故好睇㗎，唔好誤會，只係話個故啱我口味咋。
結果，當初個個on99係google drive開咗個google doc嘅傻仔，本住唔試過點知得唔得嘅心態，同埋多次衝破想放棄嘅心理關口，如今竟然夢想成真，又真係比我完到故。
個成績就不過不失啦，我個人嚟講覺得自己一開始無人識，可以出嘅第二日就已經上到頭十，仲要個時仍然係紙言鼎盛時期，都算係唔差啦。 如果我無記錯嘅話我好似寫咗大半年，無試過跌出過頭十。
哈用嚟打下飛機都幾好。
無錯呢段係我自high下自豪下自己有幾勁。
有時真係好掛住個段時期，好掛住個時仲有好多對手嘅時候，好掛住仲係好多人用紙言嘅個段時間。
我唔知大家有無發現到紙言少咗好多人，我以一個作者嘅身份嚟同大家講，其實真係少咗好多好多，以前過二千Click rate，講緊排名可能都只係第六第五，而家每日六日到，仆你個街上到第三係咩玩法。 無競爭唔會有進步，以前成日好想過葉開巴個大姐姐故，可惜比人ban9埋，自個日開始我就好似無乜再點理過個排名了。
反正成個頭十大部份都係用bot刷，仲有咩好玩，乜柒挑戰性都無撚晒啦屌你老母。
講完咗添...屌。
講返個故啦，呢個故寫得唔好就眾所9知㗎啦，出晒名㗎啦。
如果唔想睇呢段你可以skip，不過唔建議，始終成個後記都係廢話，你唔睇呢段下一段都係廢話嚟，咁你不如唔好睇。
拖！係呢個故，同埋我個人嘅最大嘅特點，我示範咗點樣分別用萬四字去寫男女主九月一開學日所發生嘅事同兩日一夜嘅長州之旅，你話犀利唔犀利？
而好明顯，成個故都係維持住係一個咁慢嘅節奏到。
第二個問題係，啊童個性格前後不一。
我唔知你地有無留意到，啊童個性格，係個故嘅初期同係後期其實都有幾大分別下，或者呢個就係無計劃無諗過就寫嘅後果。
第三，就係其實四個兄弟入面，佢地嘅性格並唔突出，我唔寫句嘢係邊個講，你地都未必分得出，所以我唔明自己寫咁多個兄弟係Jm9。
唯一Suki同啊言係我覺得寫得最好嘅角色。
Suki唔駛多講，要知嘅自然會知，係我一個好好好好好好好好好好好好好好好好好好好嘅女仔朋友。
啊言就由頭到尾都係一個長唔大有啲咸濕嘅on9仔。
Well我想澄清返，萬浩言不代表我，識我個啲同唔識我個啲都成日問我我係咪當自己係萬浩言，我想同你地講，收皮啦屌你，故嚟㗎咋，睇下唔好當真呀知唔知。
去到最後一個問題，鋪排。
正如之前所講，因為我係一個唔鍾意計劃嘅人，同埋我唔係寫定先，所以其實成個故無乜啲咩伏筆。
有鑑於上面種種嘅問題，所以嚟緊我係會大改個故，不過會另開新一個位置放改完個version，呢個垃圾ver都仲會繼續留係度。
講完個故，講下得著。
我地嚟由淺入深。
我開始寫嘅時候係一個中四學生，而家轉眼間已經嚟到中五，一齊都係十分之快。
咁即係代表住啲咩呢，就係我好撚快就要考DSE喇屌那星。
而呢個故除咗霸撚晒我啲休息時間之外，其中一個最大嘅得著係，文筆同寫嘢能力提升咗。
前者我都明，後者真係唔明，好似收到份題目就自動波知要點寫。
由四月開始，好似份份作文都係攞佳作。
寫故之前，作文廢到仆街，次次都徘徊係不合格邊緣，而家就keep住進步準備上七成啦哈哈哈。
所以，想作文好嘅你，仲等啲咩，即刻寫返一年半載，包你作文進步。
第二呢，就係你打字會快到仆街，由完全唔識打字去到最癲做到一分鐘打八十五隻字。
痴線唔痴線先？
好喇，咁除咗呢啲咁正經嘅之外呢，呢個故帶咗好多讀者俾我，突然之間好多人會走嚟搵我吹水，IG搵我又好，Line個個將隻貓殺兩次嘅作者又好，連登每日都勸我捉緊機會莫後悔嘅都好，甚至有啲會走嚟搵我打機，或者去睇DJ concert之前係紅磡站教我做數(雖然去到最後都係計唔掂)，再離譜啲係DM問我點樣溝女，師兄你問錯人了，你估識寫就識溝咩，自己都未搞得掂，你竟然走嚟問我！？係有勇氣嘅，不過跟我個方法就應該兇多吉少咁解。
仲有好多好多數之不盡嘅讀者，好多謝你地。
係你地令到我有動力繼續寫故，講真以前有諗過如果出咗無人睇嘅話會直接棄故。
我認我係個無道德操守嘅作者。
笑死。
總之就好多謝你地啦，同你地傾計我好開心，聽到你地每一句加油，一句好鍾意睇你個故就足以令我開心成日，(以前係，而家需求大咗，而家得一句嘅話剩係可以開心半日，所以想同我講加油唔該講兩次thank you very much I love you.)
呢個故帶咗好多嘢比我，同時間好似又係我身邊攞走咗啲嘢咁，都唔知開呢個故孰好孰壞。
再講落去就變心事台，所以唔再講落去喇。
係度同大家講一句，有啲嘢想做就去做，唔好因為驚而唔做，唔好因為覺得麻煩而唔做，寫故如是，做人亦如是，過咗就係過咗，想試下寫故個啲好試喇，到你大咗就無本錢搞啲咁嘅嘢㗎喇。
青春一去不返，珍惜身邊人事物。
讀緊書個啲，好好珍惜你嘅校園時光，有咩可以參加多啲參加，有咩玩就玩盡佢，返學唔係得上堂，唔好自己摺埋一二邊做毒撚，最好每個小息都搵個人返班房con下佢。
好喇去到最後，我想講樣嘢。
話說我就有少少想出書，我想知如果我出書大約有幾多人會買，做個統計，睇下會蝕幾多。
呢個故會繼續出番外，嚟緊我改好呢個故之後就會開新故。
題外話如果你對個故有咩意見歡迎走嚟同我講，錯字又好內容結構鋪排乜柒都好，都可以DM我同我講。多謝睇到呢到嘅你！
有緣再聚得閒飲茶(你想嘅話我真係ok，不過要出返嚟港島/九龍區，我好鍾意飲茶。)
多謝！
是咁的，我同女神做咗鄰居。
後記 完！
短期內最後一次跪求大家Follow我既IG: MaanYin05