是咁的，我同女神做咗鄰居: 256.

「唉，你地慢慢，唔阻你地，我地過隔離食。」Suki跟兄弟合共五人坐到遠處的另一張枱，成功為我們製造二人空間。 

認真，今天我之所以能坐在啊童對面與她一起吃心太軟，Suki真的是功不可沒，

乃是造就我倆的功臣。 

「今日帶埋啲朋友仔嚟食呀？」文姨下單後依舊以她招標笑臉走過來問。

 「係呀，今日係臨去英國之前最後一日吖嘛，佢地嚟送我機，咁啱有時間咪嚟食多次甜品先囉。」啊童說。





 「吓！？你去英國呀？之前無聽你講過嘅？」文姨滿臉錯愕之情。 

「無咩...好似真係無喎，我自己都唔記得無講添。」啊童伸了伸舌頭說。

 「又唔早啲同文姨講，去到呢一刻先嚟講。」

 「Sorry呀，真係一時唔記得咗，太多嘢煩。」 

「唔緊要啦，呢個心太軟文姨請你食啦，食得開心啲，唔阻你同啊言二人世界嗱。」她放下心太軟便離去了。





 「今次食完，下次唔知幾時先有得食喇...所以我要好好珍惜每一啖。」啊童如獲至寶般，逐少逐少地吃。

 「唉比埋你食喇，你咁鍾意食。」我把自己的那碟也推給啊童。

 「多謝。」她抬起頭笑了笑說，然後便繼續吃她的心太軟，

完全沒有想過要說些客套說話假裝推搪一下，就這樣欣然接受了我的好意。

 也罷，看著她吃心太軟也是一種樂趣。 





Well如果佢而家唔係我女朋友而我有呢種興趣嘅話，我就係痴漢。 

但係當佢係我女朋友嘅話，一齊就會變得十分之Sweet啦啦啦~

 啊童很快便吃完了兩個心太軟，而Suki那邊則因為他們是叫糖水所以一早就吃完了。

 埋單時，文姨免去了我們這一張枱的單，

之後更與啊童合照了一張相，作為最後的道別。 

「呼，得返唔知幾多個鐘喇，都差唔多夠鐘坐車入機場喇。」啊童剛出甜品鋪便伸了個懶腰。

 於是我們便由甜品鋪走了一大段路去坐巴士，

可憐我還要在凹凸不平的路上推那重得要死的喼。 





不久後，巴士便來到，

找了個位置放好行李後，我們便一窩蜂的上了上層。 

幸好這班車沒有太多人乘坐，所以上層還有很多空位，

他們一上到去就打著「為我跟啊童製造二人空間」的名義，自動坐到老遠， 

多得他們，我跟啊童有著渡過了最後的時光。

 講到我地好似去緊刑場咁笑死。

 她將她內心的憂愁一一向我細訴，而我則短暫的心理學家上身開解她。





 相信有人會奇怪為何周叔叔沒來，原因是因為啊童知道我們會來送她機，

而且過多幾天後她們就會見面，

所以特意叫他不用來送機。

 言談間，我們便已來到了機場。






跪求大家Follow我既IG: MaanYin05