是咁的，我同女神做咗鄰居: 248.

「唔...咁好啦。」啊童扁了扁嘴妥協。 

於是我們便回到了凌霄閣，再乘搭巴士下去。 

回到去家附近後，由於已經有點晚了

所以我們便決定買外賣吃。

 「嗚...哭L咗，聽日就要返學。」





 「聽日返幾點呀你？送你返學喇。」啊童說。 

「咁又唔同講法...好似係返...九點？」我看一看通告後說。

 「得啦，你起身打俾我。」 

「嗯，咁你快啲食埋啲嘢去跟住返去瞓覺啦，一陣你聽朝唔肯醒呀。」 

「傻嘅，幾時有發生過啲咁嘅事啫。」 





「無，緊係無啦，次次我都要玩奪命追魂call打俾你，你緊係起到身㗎。」

 「得啦得啦，食埋咪返過去囉。」啊童完全不打算理會我的話。 

到了第二天，雖然根據學校通告，

我應該是九點才要回到學校，

但我依然一早就起了身。





 第一天上學，當然要早點起身好好執拾整理一番物品，

再慢慢梳洗好才上學吧。

 講笑咋屌你。

 「喂啊童，起身啦，落去食返個茶記早餐先返學啦。」 

「唔...幾點呀而家？」 

「七點半。」 

「咁早叫我起身做咩呀，你八點先出門口都得啦。」啊童說。

 「唔係呀，我想落去食個茶記早餐先吖嘛，嚟啦嚟啦，陪我落去食下啦，都最後一日啦。」





 「比多...五分鐘我啦，我要瞓多陣先，再見。」她說完後便cut了我線。

 這樣說的話，應該就是代表著她答應了我。

 也算是個好消息吧，至少開學第一天仍能跟心愛之人吃個早餐，

要知道開個好頭是很重要的。

(今日老師同我講嘅，寫呢篇嘅時候九月一號。) 

換好校服，拾好書包，

我便打給啊童，然後過了幾分鐘後，門鐘便響起了。 





我拿起書包走出去，然後跟她下了去茶餐廳吃了個早餐。 

「好似無試過咁早同你咁樣食早餐。」吃著吃著我突然想起這件事，

好像從來沒有跟啊童這樣在上學前先吃個早餐。 

「係呀係呀咁L早，嗱嗱臨食埋佢返埋學我要返去瞓教呀。」啊童伸了伸懶腰後說。

 速速吃完後，我便跟啊童步行上學。

 走在她身旁，總覺得特別自豪，

有著一位如此漂亮又愛我的女朋友，實在是太開心了！

 由於她已不會再在這間垃圾學校讀書，

所以我們也不在裝了，直接光明正大的在上學的路上牽起手來。 

校規又沒有寫明不準與校外人拍拖，

況且我也說了很多次，我根本不害怕比記缺點。 

哈，終於有機會係校門拖手，

跟住再當住班仆街教畜面前攬一下先入去。 

「喂呀多人呀，你係唔係想死呀係度攬我？」她嗔怒的樣子實在是太可愛，讓我禁不住多抱片刻。 

「是但啦都最後一日咯。」我毫不介意地說，然後便進了去學校。








上個水先我未死
係呢個星期真係好L忙
好似成個中學生涯都無試過一日做六樣功課
每日都好想打文，但係真係無乜時間
唉
打咗一個星期就打好一篇真失敗

跪求大家Follow我既IG: MaanYin05