是咁的，我同女神做咗鄰居: 240.

「而家咪落囉！」她伸了伸懶腰，然後從床上下來。 

「快快趣執埋啲嘢去，跟住就出去行下啦，最後幾日係香港，聽日後日又未必再有時間出去行。」 

「係喇係喇，執喇執喇。」她慢條斯理地走過去衣櫃。

 幸好啊童的房間沒有太多雜物，而且很整齊，基本上只要把東西全塞進去就是了，

 所以我們也沒有用了太多時間，便已經執拾好了大部份的物品，

剩下來的統統是啊童這幾天要用的，要等到最後一天才可以放進行李喼。 

看著她那空空如也的房間，不知為何我總有種唏噓的感覺，

曾經放滿書本的書櫃，如今變得空無一物。 

「去食飯luuu！食完飯我要食心太軟！跟住再要去行下海旁，最後返嚟打多陣Overcooked！」啊童剛執拾完便已經想好了整天的行程，看來她的心情沒有受到影響。

 嗯，作為暑假的最後一天，行程還是與平時沒兩樣。





 「唉，聽日又要返學喇，仲要無咗你，真係唔知我要點過。」我向她抱怨。 

「你呀，要專心啲聽老師教書呀知唔知，唔好再成日發白日夢喇，升上高中要大個仔，靠自己考返好個成績呀，唔好再我係英國都擔心你得唔得？」她認真地說。

 「得喇得喇，又講呢啲，成個啊媽咁。」 

「講完你又唔聽，咁緊係要講多幾次啦。」

 「我發覺你啲語氣真係好似我啊媽，你從實招來！究竟你係咪我老母假扮嘅！」我模仿著柯南，伸出手指指著啊童問。





 「似你老母！」啊童踢了我一腳。

 「真係似我老母。」我笑嘻嘻地回應。 

「妖，唔同你講嘢喇。」啊童撇過頭去。 

「咁又唔好，講笑啫講笑啫，唔好嬲。」我立即笑著說。 

「請我食心太軟就考慮下原諒你啦。」她奸笑了一下。

 「得啦，咁都要食咗午餐先㗎嘛，係唔係？再唔行就無位㗎啦。」 

「咁我都要換衫㗎。」她叉著腰說。

 「你咪換囉。」我聳了聳肩。





 她聽罷沒再說話，改為怒瞪著我，臉上的微笑更添其殺氣。

 「出去囉，唔睇囉。」我沒趣的走出她的房間，還很有禮貌地找替她關上門。

 不出數十秒，房門再次被打開，只見啊童已經換好衣服，

服裝仍是一貫的t shirt搭熱褲。 

「咪望啦咸濕佬。」她推了推我的頭。 

「咩喎，你都識講啦，望埋呢幾日我都無得再望啦，緊係要望返夠本啦。其實諗諗下應該影返張相，等你走咗之後都有嘢望下。」

 「痴L線你真係病入膏肓，一日到黑就係𥄫𥄫𥄫。」





 「都剩係𥄫你一個啫，我𥄫其他人你就驚喇。」 

「你敢！？」這次她的眼神更是凌厲，我當然不會做傻事。 

「緊係唔敢，點敢啫。」





跪求大家Follow我既IG: MaanYin05