是咁的，我同女神做咗鄰居: 234.

享受及體驗完一輪退休生活後，我們便去了間在海邊的咖啡店坐下，繼續我們的慢活之旅。

 啊童作為一個乖寶寶，竟然隨身帶了一本書，

而我身上則只有電話，看著她看書看得津津有味的樣子，

實在是令我自愧不如。 

「其實，你有無諗過大個想做咩。」我打斷正專心閱讀的啊童。 





「吓...之後想做咩呀？無喎...真係諗唔到。」她說完後便又埋首於書中。

 「無諗過就啱喇，不如我地畢咗業之後打陣工儲啲錢，跟住嚟長州呢度開間甜品鋪吖。」我向她講解我的大計。 

「唔係話唔好...但係好似好難咁喎...啫係首先要儲一大筆錢先，跟住就要去學點整甜品，仲有好多好多嘢要搞，總之就好煩啦。」 

「夢想或者目標呢啲嘢，可能真係好困難，但正正係咁人先至有個推動力去堅持落去吖嘛，而且頭先你講個啲嘢都唔係真係咁難啫，有心就唔怕難㗎啦，我當你應承㗎啦。」我伸出尾指。 

她笑著伸出尾指與我勾了勾，之後便繼續看書。





 關於這個目標，其實我由很久之前便已經開始構思，只是一直沒有機會告訴啊童。

 如今，雖則她好像不太相信我們能成功做到這件事，但至少她答應了我。

 「返去Check out然後去食嘢喇。」我看一看手錶後說。

 「好呀好呀...食咩好呢！」此女子一聽到食物就雙眼發光。

 「你慢慢諗下啦，返咗去執嘢先。」 





「好似好多嘢都好食咁喎，食咩好呢...」

 「講開食嘢呢個話題，英國有咩好食㗎呢？」我疑惑地問。

 「我都唔知喎無去研究，但應該唔多選擇？好似嚟嚟去去都係得炸魚薯條個啲咁。」 

「咁你咪好慘囉，過到去無啖好食。」

 「所以而家咪要趁仲有機會食多啲囉！同埋我臨走之前呀，要食多次滑蛋豬排飯呀！」 

「哦周街都係啦，你而家食都得㗎。」我裝傻地說。 

「你煮個啲呀。」她打了我一下，彷彿在懲罰我刻意要她親口說出想吃我煮的食物。

 「哦，早講吖嘛，得啦，同你買隻最L正嘅黑毛豬加日本蛋加珍珠米，不過要俾錢先，如果唔係無錢買。」





 「唔要呀，你買返平時個啲唔得㗎咩？」

 「得，但係都係要俾錢，如果唔係我都係無錢買。」

 「妖，唔同你講嘢喇。」說罷她便自己抱住雙手把頭轉向另一面。 

「得喇得喇，講下笑咋嘛，唔好咁認真啦，與女朋友的最後一餐，點都要食好啲嘅，免費煮比你食啦，但係你下次返嚟想要食就要俾錢㗎喇。」 

「喂，咩叫最後一餐呀，講到我好似就快死咁，食屎啦你。」

 「Ok我更正返，係你走之前最後一餐，講真，就算你叫我煮滿漢全席我都煮比你食啦。」 

「咁就煮滿漢全席啦，唔食滑蛋豬排飯喇。」 仆你個街我又衰多口。










跪求大家Follow我既IG: MaanYin05