是咁的，我同女神做咗鄰居: 232.

「死咗喇我。」我乾脆拿了她的枕頭來用，在床上躺平，

閉上雙眼裝作死去，實則是想睡覺。

 「喂呀，玩多陣先死啦你。」啊童活像小孩子般，在床上跳來跳去。

 點解我女朋友可以咁大反差...一時就冷靜到粒聲唔出我走埋去就推開我，

一時就興奮到好似打咗興奮劑咁。 





「死咗嘅人係返生唔到㗎唔好意思，瞓覺仲好啦，好L攰呀。」說罷我又重新合上雙眼。 

「咁快瞓....難得可以一齊過一晚夜...」

「閣下言下之意，難道係想做下運動？」我立即撐開眼皮問。 

「你可唔可以唔好成日諗埋晒啲衰嘢呀！我意思係...至少都傾多陣計先啦。」

 「聽日先傾唔得㗎咩，而家瞓咗覺先啦。」 





「傾一陣先啦...」 

「傾一陣唔係問題，你瞓落嚟先啦，我而家咁樣又望唔到你，我又唔想起身。」 

「唔係話唔得，但係你唔準抽我水㗎嗱...如果唔係我即刻踢你落床㗎。」她先是去把燈關掉，之後再把枕頭放好，然後跟我一起躺平。 

「得喇得喇，邊個話要掂你啫，你自己諗多咗。」眼皮早已無力再打開，全身放軟享受著床褥質感的我說，說完這句我便再也支撐不住，沉沉睡... 

「喂，又話傾計，唔好扮嘢瞓覺喎你，以後都唔知仲有無機會可以咁同你傾計...」啊童把差點睡著的我重新叫醒。





 「有...一定有㗎，終有一日我地會返到對方身邊㗎嘛，到時我地再一齊過次夜咪有囉。」我連眼也懶得睜開。 

「但係...我驚我地...無咁嘅機會...我上網睇啲人話Long D被想像中困難好多好多，可能會感情淡咗分開，可能是但一個愛上咗第二個，可能因為睇唔到未來而各行各路...啫係我唔係話唔信任你，但係對對情侶係Long D之前都好有信心可以行到落去㗎啦...結果好多都散咗...」

 「有啲嘢驚都無用㗎啦，我地只可以盡我地嘅所能去保持住呢段關係，如果我地兩個人，個目標係一樣嘅話，肯堅持落去，我覺得唔係無可能㗎喎呢件事，可能你話我太樂觀啦，但係我真係對我自己同對你好有信心。講真，我都唔想你離開我，唔想返學見你唔到，唔想無你陪我一齊溫書，總之我就係唔想無咗你！識咗你幾耐，我就鍾意咗你幾耐，但係現實永遠都係咁殘酷㗎啦，死都要將我地分開，咁可以點喎。」 

「我都唔想無咗你...我都唔想九月二號要同你講Bye Bye...」她把身體轉向我說。 

「咁所以我地就要趁住仲有時間，好好玩埋佢，就而家呢一刻嚟講，瞓覺先，Good night。」我牽著她的右手說。 

「唉瞓啦瞓啦。」啊童沒有把我的手甩開，而是任由我握著。

 但其實，剛討論完如此沉重的話題後，我又怎能輕易睡著。 

我不敢想像沒有了啊童的生活，不願想應該如何跟啊童相處。





 總之就東想想西想想，想了很久很久，才終於睡著。





唔好意思顧住買親愛的珍演唱會飛遲咗po
跪求大家Follow我既IG: MaanYin05