是咁的，我同女神做咗鄰居: 201.

「耶！開波開波。」我興奮地把球拿到三分線準備再開波。

 「喂！你地過嚟幫手呀，仲係度打波，好多野整呀。」啊童走過來叉著腰說。 

「有咩要整呀，你地整啦，難得全個場都冇人打，緊係要打盡佢啦。整野呢啲..最多咪遲少少食。」我沒打算理會啊童。 

「過！嚟！幫！手！呀！」啊童扭著我右邊耳仔說。

 「嘩屌....得得得，而家即刻過嚟，你鬆手先。」我不停拍打著她的手。





 「哼。」啊童終於肯鬆開手。 

「走luuuuu！」早已準備好向前衝刺的我，待啊童一放手便立即向前狂奔。

 「喂！」啊童又再次跟在我後面。

 一場追逐戰再次上演。 關於要跑去哪這個問題，

我早就想好了，要不比啊童打，

又可以讓我停下來的方法。 

就是，跑到Mr Wong面前。 

「咦hi Mr Wong，洗緊乜嘢呀？」我若無其事的說。

 而在我身後的啊童則敢怒不敢言，沒有在Mr Wong面前打我。 

「哦，洗緊菜呀，你唔係喺出面打緊籃球㗎咩？做咩走咗過嚟嘅？」 





「冇呀，咁啱過嚟睇下有冇嘢幫手囉。」我說。 

「冇呀，都差唔多準備好晒啦，一陣你幫手搬爐就ok。」 聽罷我向啊童做個鬼臉。 

「哦好吖無問題，我返過去打波先啦。」我說。 

「好呀。」 既然連Mr Wong都話唔洗我幫手，咁我唯有返去打波算。 

真係好，哈，Mr Wong一句就收咗啊童皮。

 「哈，Bye Bye啦啊童。」我笑著對啊童揮了揮手。 

「妖！」啊童大力踢了我一下，然後便走開了。

「兄弟們！I am BACK！！！」我走回場中。 





「咦，成功擺脫到啊嫂喎。」啊正說。 

「哼，實乜講。」 之後打多一陣波我地就比人叫咗去搬爐，搬完返嚟就開始燒嘢食。

 OK我更正係佢地開始燒，我係掂都冇掂過，因為我怕熱，所以自己一個人走咗出去打波。

 「喂，啊童燒咗啲魚蛋，問你食唔食喎。」Suki走出來問。 

「哦好呀。」我跟著她走回去。

 只見啊童坐在旁邊的長椅上，手上捧著紙碟。

 「啊童！你係咪燒咗啲魚蛋呀？」 





「係呀。」啊童把其中一粒放進口中。 

「多謝！」我伸手到她碟上。 

「死開啦，想食自己去燒，問你食唔食咋傻仔，頭先又唔肯幫手。」啊童把碟移開。

 「哎呀！咁過份既你，頭先你都聽到㗎，係Mr Wong話唔洗我幫手咋，同埋我有幫手搬爐㗎嗱，整粒嚟啦。」 

「一粒咋嗱。」啊童把碟連叉遞給我。

 「好呀。」我把碟拿起，將碟上所有魚蛋一併倒進口中。

 「食屎啦你條仆街！我好辛苦燒㗎！」啊童不停大力拍打我的手臂。 







跪求大家Follow我既IG: MaanYin05