是咁的，我同女神做咗鄰居: 196.

「嗱我當你應承㗎啦！係你話想同我結婚㗎，之後唔好反口。」我搭著她膊頭說。

 「屌你識唔識㗎你，即刻求埋婚啦on9。」Suki說。 

「吓...乜都冇準備喎我。」我呆了呆。

 「唉呀你唔好聽佢講啦，幫我影相好過啦。」啊童把電話遞給我。

 「係係係，小人遵命。」我連忙接過電話。 





「影靚啲呀知唔知？」啊童說。

 「得啦得啦，Suki教咗我㗎嘛，而家識點影㗎啦，你過去啦。」我說。

 於是我又為啊童拍了無數張相，今次我學乖了，她每轉一個姿勢我就在不同角度拍幾張， 包保她一定滿意。 

「唔...幾好幾好。」啊童檢視著我剛才為她拍的照片。

 「咪就係咁咋嘛，我都唔明你頭先係沙灘有咩困難。嚟啦，我地一齊影一張。」啊童在看完所有相後說。 





「好呀。」我把手機交給Suki，然後牽著她的手出去。 

我們在那藍白色三角形教堂前相擁著對方，

然後待Suki按下快門。

 「喂你地轉個特別啲既姿勢啦，唉一係咁啦，啊言你孭起啊童吖。」 

「又好啫。」我在啊童面前蹲下好讓啊童能騎上來。





 「嘩屌。」啊童突然跳了上來，害我差點失平衡。 

「上次咪講咗唔好突然跳上嚟囉小姐！你估你係小朋友咩！我又差啲失平衡啦，你係咪想Suki影到我地兩個跌落地既畫面呀？」

 「對唔住囉。」啊童吐了吐舌。

 半年前羽毛球訓練後我孭啊童回家時所發生的事重演了一次。

 「嚟，三...二...一！」

 「咔嚓」 估下我下一句講咩？ 

無L錯，呢張相又係箱入面其中一幅相。

 之後就到Suki影啦，佢地兩個又一齊影下咁啦。





 影完大家都唔想再行，

於是我地搵咗間Cafe坐低涼下冷氣。

 等到夠鐘就坐船走人。

 老實講，原來愉景灣都幾L悶，

平時碌IG見到其他人去就以為好特別，

 可能...對於男仔嚟講係悶咗啲既，但係啲女仔就玩(影)得好開心囉。 

返返出去都已經差唔多五點。 但係你覺得我地會就咁結束呢一日咩？





 答案係唔會，因為啊童同Suki返到去中環見到個摩天輪之後話好想坐下， 

咁我地咪又要陪佢地一齊坐囉。 就當係陪啊童喺佢臨走之前睇多幾次香港既夜景。 

啊童就如小孩般，拉著我的手，興奮地走進了摩天輪中坐下。

 由於我們總人數是七人，再加上沒有人排隊，所以我們可以獨佔一個車廂。

 「香港原來真係好靚。」我在高處看著維港，有感而發。 

「我都係第一次係呢個角度望香港，估唔到咁樣望個感覺係唔同啲㗎喎，同平時係海旁望既唔同。」啊童靠在窗邊俯瞰著。 

「我諗我真係接受唔到離開香港...啫係我唔想有一日去海旁既時候再見唔到呢個景。」

 「我都唔捨得個景㗎，雖則話對咗十幾年，但就係唔會睇厭，好奇怪。」 





「有時我都好佩服你，有勇氣選擇離開呢度，比著我應該真係會唔捨得。」 

「咁有時離開屋企外闖下都未嘗唔係一件壞事吖，只要我仲記得自己既身份。」 

「唔記得會點？」 

「咁呢度就唔再係我屋企。」

 「有咩問題。」 

「問題呢度原本就係屬於我地，而家我只係因為想去讀書而去第二度，如果我唔記得咗自己身份，咁呢度就唔再屬於我，香港亦會慢慢變得唔一樣。」 

「乜你講野咁高深㗎，反正我就唔會走既，忘唔忘記都唔關我事啦，住係度仲點會唔屬於我。」





「會繼續屬於你，不過唔係同一樣野咁解。」



跪求大家Follow我既IG: MaanYin05