是咁的，我同女神做咗鄰居: 183.

實不相暪，嗰張相就係我偷食嘅證明，只不過小三係Rainbow six咁解(即係我打緊嘅遊戲)。

圖入面係啊童同啊正嘅對話。

童：啊言係咪同你打緊機呀？

正：哦係呀，佢同我打緊吖嘛，你有事搵佢？

童：無嘢啦，唔該你





仆街仔出賣我！？

「仆你個街，做咩出賣我呀你？」我怒問啊正。

「咩出賣你呀？打緊機點出賣你呀大佬？」啊正不解地問。

「仲話冇？做咩同啊童講我地打緊機呀...我俾你累死啦！」

「挑，你又冇話唔講得，點知啫，佢問我我咪講囉。」





「唉，而家佢實嬲死我呀。」

「做咩呀，打下機點會嬲死你啊？」

「打下機原本就唔會嘅，只係第一我呃話自己喺度睇緊書，第二佢會覺得我顧住打機唔理佢。唔講住啦，我過去跪玻璃先啦。」

「喂...喂，咁仲打唔打㗎你？」啊正急忙問。

「緊係唔打啦，而家仲打我比人殺死都似呀。」我說。





「食屎啦你，我哋打緊排位㗎，你走我哋會跌排㗎！」

「跌就跌啦大佬，再唔走手都分得啊。」我關掉Discord，穿著睡衣打開大門。

「你去邊啊啊仔？你著住睡衣喎，你換衫先啦。」老媽愕然地看著我。

「唔得閒呀，Bye Bye。」我以最快的速度走到去隔壁再按下門鐘。

幾秒後，周叔叔便打開了大門。

他上下打量著我，想必是在思考為何女兒的男朋友會穿著睡衣在這時間按下他家的門鐘。

「Errr，我搵啊童。」

「啊童瞓緊覺喎，你不如聽日先搵佢？」周叔叔說。





「唔好意思，我真係有好好好重要嘅嘢要搵佢，同埋佢一分鐘前都仲Whatsapp緊我，應該仲未瞓著嘅。」

「咁呀...好啦。」幸好周叔叔肯讓我進去找啊童。

我立即衝進啊童的房間，看見正趴在床上的啊童，她驚訝地看著站在門口的我。

我關上房門後，不加思索便在她床邊跪了下來。

男兒膝下有黃金？Sor9ry未L聽過，喺女朋友面前黃金不值一提。

「做咩呀你，你唔係打機打得好開心㗎咩？」她斜眼看著我，面無表情地說。

「啊童...對唔住呀...我只係...」





「只係唔小心開咗電腦再唔小心開埋個遊戲，你係咪想咁講？」

「唔係唔係，今次真係我錯，我下次唔會呃你㗎啦，你原諒我啦好冇？」

她看著我不發一語，而我則越來越擔心，上次她生氣的畫面如今還歷歷在在目。

「嚟啦嚟啦，原諒我啦，我講完個大話之後自己都好後悔㗎。」

「最多我以後都唔打機...errr唔再沖涼，對唔住呀啊童，令你病咗都要勞氣。」





跪求大家Follow我既IG: MaanYin05