是咁的，我同女神做咗鄰居: 178.

「喂，今日老師教咗啲咩呀？」啊童拉一拉我的尾指問我。

「大佬，好心你病就唔好再掛住返學既野啦。」

「我好唔鍾意冇野做既感覺吖嘛，硬係唔知點咁，你講啦，逐科逐科講下啦。」

「唔好啦掛，咁即係折磨我啫。」呢個要求真係考起我，我都冇上堂，點同你講今日老師教咗啲咩喎。

「我一唔喺度你就唔好好聽書，咁之後你點算呀？啲野你唔上堂聽老師講解你點會明呀？」啊童略帶不滿地說。





「驚咩啫，有你喺度，唔識咪問返你囉。」我不以為然。

「咁萬一有一日我幫唔到你或者你見我唔到呢？咁點算呀你？」

「嘿，點會啫，你仲生勾勾瞓咗喺度，係攰咗啲啫，點會無啦啦見你唔到喎。」

「我...唉算啦，我病好咗先再講。」啊童欲言又止。

「係囉，你而家乖乖地合埋眼休息下先啦。」我也沒多思索當時的她究竟想跟我說甚麼。





「發燒...真係好辛苦...原本仲諗住可以有一日唔洗返學係屋企瞓下覺Hea下，點知原來仲辛苦過平時返學。」啊童過了一會後說。

「冇辦法啦，食咗藥有冇好啲呀？」我問。

啊童微微搖了搖頭。

「我啊媽話發燒要飲多啲水先至好㗎，我出去幫你斟啲水啦，順便去個廁所。」我說。

「嗯。」 我於是起身把啊童的杯子拿起，走到廚房為她加水，卻遇上了正在打理花朵的婆婆。





「其實你同童童係咩關係呀，除咗同學之外？」婆婆聽到我走出來的聲音後問。

「吓佢冇同你講咩？我同啊童拍緊拖囉。」反正周叔叔不反對，那我想婆婆也不會反對...掛，

於是我也直認不諱，反而我對婆婆不知情感到有點意外，

 我還以為啊童會跟她婆婆說。

「拍咗幾耐呀？」婆婆停下手上的工作，轉頭看著我。

「都係啱啱開始咋，拍咗兩個幾月囉。」

「多謝你咁誠實，你去斟水啦。」說罷她又重新專注於眼前的那一盆花上。

「你...係咪唔係咁鍾意我同啊童拍拖？」





「唔係，只係擔心你地既將來啫...你快啲斟完水返去陪下童童啦。」

「哦。」難得連婆婆也這麼開明不反對啊童拍拖，那我就更加放心了。

我為她斟完一杯暖水後，再去個廁所便回到去啊童的房間中。

「婆婆係咪同你講咗啲咩呀？」我一走進去啊童便問。

「吓，冇啊，佢純粹問我地係咪拍拖咋嘛，咁我咪照直答囉。」

「咁佢有咩反應？」

「佢話咩擔心我地既將來喎，我就完全唔擔心既，反正只要你仲愛我我地就唔會散㗎啦，大個我地一齊入大學，跟住出嚟做野儲下錢買層樓，雖然買樓呢步有啲困難，但係有咩好擔心啫，最緊要我地係喺對方身邊互相陪伴，咁咪得囉。」





「如果我唔喺你身邊你仲會唔會愛我？」啊童突然吐出這條問題。

「我係唔會答啲假設性問題㗎，你當我傻~㗎，平時睇IG嗰啲濕9少女語錄成Q日教啲女問埋哂啲假設性問題然後再陰9個男仔，我先唔會比你呃到。」

嘻，啲女真係好L古惑。




     跪求大家Follow我既IG: MaanYin05
聽日連加三更