是咁的，我同女神做咗鄰居: 169.

去到半場，分數是十一比十，我方領先。

 一分鐘過後，他們再次踏上球場中。

 雙方再苦戰了一輪，直到最後出現了廿一比二十的局面，

Deuce 我方只要再取多一分，我們就能取得進入總決賽的資格。 

我可無法想像場上兩人的壓力。 





最後一球，由我方發球，

開了個短球，對手把球挑後， 

隊長立即後退，狠狠地殺下去，

對手反應也不俗，竟然把球接住了，

 輕輕把球打過網，隊長立即飛身上前，

在球落地前成功把球挑後，

 但卻令到他整個人趴在地上，他立即從地上站起來。 

而那邊廂對手則打出一個高遠球，剛站起來的隊長也不理甚麼步法了， 

直直往後場奔，在球落到他腰那個位置是揮拍平抽回去，

 只見那球輕輕擦過了網，沿著另一邊的網落下，

這次對手打算再次放網， 無奈羽毛球是貼著網落下的，

因為空間所限，除非能垂直向上挑，

否則是沒有可能把球擊回。 

我跟啊童緊張得從椅上站起來，全場屏息靜氣地看著這一球。

 那球比對手向上一挑...

剛好落在網上，

然後向著對手那邊跌下。 

「Yes！！！！！」我跟啊童興奮得抱著對方。





 我們能晉身總決賽了！ 

身邊一片歡呼聲，我們均跑出去抱著隊長，

而隊長則依然保持體育精神，先與對手握手， 

才來跟我們慶祝。

 9叫，歡呼了一番後，

我們便回到自己看台上的座位，等待著總決賽的來臨。

 當然，少不免要比教練訓話，

逐個逐個點名說做得不足及可以改善的地方，

 因為大家都知道剛才只是險勝，所以我們都很專心地聆聽教練所說的話。 

「好，我地一個鐘之後就會比賽，呢段時間你地可以去猜下波，或者休息下，總之四十五分鐘後返到嚟就得。」教練說。 

正當我準備回到座位好好休息一下時，教練卻把我跟其中一位隊長叫了過去。

 內容大致是要隊長趁這段時間幫我練習接殺，於是我便又再次踏足那片空地練波， 

分別是這次不是啊童跟我練，而是隊長。

 論殺球，隊長的殺球比起啊童的更快更急速，

甚至比剛才那位對手更快， 





所以對我而言，是一個很好的練習機會。 

唉，練波咁慘痛既野我都唔寫太多，廢事你地又覺得悶。 

雖然去到最後呢刻都唔會練到啲咩，

但至少有練過先吖，都好過冇。 

練到咁上下我地就返去坐下，一陣間冇力比賽就唔好啦，

 為咗報答隊長呢，所以我買咗支水動樂諗住請佢飲。 

「嗱隊長，請你飲㗎，一陣加油。」我把水動樂遞給他。





 「多謝晒喎，你都加油啦一陣，唔好怯，做返頭先練過既野出嚟，進攻既時候多啲變化就OK㗎啦。」隊長接過水動樂。

 「係，知道。」 

「喂，點解佢有我冇㗎？」原本正在看電話的啊童一見到我回來就立即問。 

「唓，你又有份打咩，洗鬼飲水動樂咩，飲水都得啦你。」

 「你講咩呀！話晒我頭先都有幫你練㗎喎，點解佢幫你練佢就有，我幫你練我就冇㗎，我頭先都有郁過出過汗㗎喎。」啊童說。

 「你有出汗咩？唔覺喎。嗱，我就好熱愛追求真相既，你比我摸下睇吓你有冇出汗咪知囉。」說罷我便往她大腿襲去。

 「哇非禮呀！死變態又求其搵啲籍口想非禮我？係出汗都唔係呢度出啦！」啊童立即躲開，害我撲了個空。





跪求大家Follow我既IG: MaanYin05