是咁的，我同女神做咗鄰居: 155.

時間來到一天後，難得放假，當然要好好睡個夠才對得住自己。 

於是我難得地，睡到去早上九點。

 係，「瞓個夠」都只係可以瞓到去九點，

因為... 仲駛問既！

咪又係啊童囉。





 我老母又開門比佢入嚟，

跟住佢就自己走入我間房。 

「起身啦！」她一邊「搣」我的面珠躉一邊在我耳邊輕聲說。

 正在發美夢的我被她嚇了一嚇，我慢慢地睜開眼，

 映入眼簾的，正是啊童那百看不厭的美貌，

臉上掛著迷人的微笑。

 「做咩呀...咁早叫我起身，比我瞓多陣先啦。」我不願起床。 

「你係咪唔記得咗你就快要打學界總決賽啦，快啲起身練波啦！」 

「晏晝先練都得啦。」 

「唔得呀！晏晝我地出街拍下拖啦~」 





「唉好啦好啦。」口裏雖這樣說，但沉重的眼皮卻不爭氣地重新合上。 

「呀！！！！！」當我重新開眼時，我的手臂已經多了一道牙齒印。 

「醒未！」

 「醒...醒啦。」比她這樣咬一咬，任我之前再攰也好，也變得精神起來了。

 「咁就乖啦。」她甜甜一笑，然後蜻蜓點水式地親了我嘴一下，令我完全清醒。

 「宜家即刻起...你出去先啦。」我說。

 「唔得，為咗唔俾你瞓返，我要攞走你張被！」 

「喂唔...」未待我說完，她已經一把抽走了我的被。





 如果你是一名身體健康的男士，想必猜到之後發生的事。

 如果你係一個女仔，咁就算啦，千祈唔好去Google。 

「呀！！！死變態！」她立即把被還給我，然後秒速離開我張床。 

明明係佢自己衰多手，宜家搞到好似錯既係我咁樣，

豈有此理！ 

我整理好衣服，立即下床，

打算向啊童解釋清楚。 





「衰仔！你搞咩嚟呀？你對人地啊童做咗啲咩啊！」老媽以媲美保特的速度衝進來。

 「冇啊，關我鬼事咩。」我立即為自己辯護。 

「啊童！Auntie撐你㗎，唔怕同Auntie講。」

 「真係唔關佢事既。係我問題啫。」 

「死仔包...唔好搞到人地個女啊！」她說完這句後便離去。

 房間內再次只留下我跟啊童。 

「嗱叫咗你㗎啦，係都要抽走我張被，仲有仲有，咩死變態啫，生理反應嚟㗎大佬，我控制唔到㗎喎，再講，如果有一日冇發生呢個反應你就驚啦。」

 「咁...咁你係變態吖嘛，同埋喎...我又冇...我點知啫...」啊童越說越細聲。 





「同你講樣野吖，個日你咪拖住我隻手既...唔知係緊張定點啦...下面好似都有少少感覺咁，嘻嘻。」

 「你果然係變態嚟㗎！得啦，我以後唔會再拖你隻手㗎啦。」 

「喂喂喂，咁又唔好，我地唔好再講呢啲衰野啦。去練波係咪呀？我宜家去梳洗，之後就去啦，你等我一陣啦好冇？」

 「唔。」 

相信大家都唔會有興趣睇我講練波㗎啦，

總之你地要知道我比啊童地獄式訓練咗個幾鐘，

 不斷練接殺同殺波，練到好L攰就得啦。 





「咁晏晝你想去邊到拍拖啊？」回程時我問啊童，

當然，啊童又點會唔拖我隻手吖，

頭先咁口硬，宜家咪一樣係拖到實一實。 

「我想去...花市！」

 「呵，原來你一早已經諗定，咁我地返屋企沖完涼之後就出發啦好冇？」我問。 

「好啊！」 



跪求大家Follow我既IG: MaanYin05