是咁的，我同女神做咗鄰居: 152.

「唉，調位啦調位啦。」我開始執拾物品，然後走過去自己要坐的位置。

 我在自己的新坐位坐下，旁邊就是我的新同學Michelle，一坐下來就已經不停問我事情。 

「喂，你同個個咩周樂童係咪真係拍緊拖啫，見你地成日痴都好埋喎。」她問。

 我為了不再比罰及見家長，所以基本上我對外都是說啊童只是自己一個好親密的朋友，

 而並非女朋友。





 「真係唔係？但係你兩個成日都痴到好埋喎，朋友會拖.手.㗎咩？」 

唔係掛？咁都比佢見到？ 

「你面都青晒喎，嘻，啫係你兩個真係拍緊拖啦。」 

「唔係。」我能做的只有否認。 

「我唔信！」





 「Suki！攞隻手嚟！」我對前方的Suki說。

 一直聽到我們對話內容的Suki自然猜到我想做甚麼，

於是她出乎意料之外地配合， 

真的乖乖拿出她的手來，我輕輕握下去，

對著Michelle搖了一搖示意，然後再鬆開手。





 「嗱，邊個話朋友唔會拖手啊？」

 「佢有咩好啫？講靚我仲靚過佢啦？我又聰明又靚女個人性格又好，不如你揀我吖。」Michelle對我說。 

痴L線條女原來真係無得救。 

「我揀咗你，你都係當我係兵仔啫，唔好癲啦。」說完這句話後，任她再問任何問題我都不再回答。

 千辛萬苦上完頭兩堂，響起的鐘聲無疑是從水深火熱之中拯救了我， 

一下課我就立即走過去啊童那邊向她哭訴這一個多小時中我所經歷了的事。

 「嗚啊...好L煩啊條女。」 

「唓，咁咋，見你頭先個樣仲以為你比條女非禮同性侵。」啊正說。 





「屌，你點明吖，你試下同佢坐吖仆街。」

 「咁起碼你前面仲有個Suki吖嘛，係未？仲可以玩拖手遊戲添~」啊童臉色一轉。

「冤枉啊大人~係條女見到我地返學既時候拖手，我為咗證明自己同朋友都會拖手，所以先至，好好好短暫咁掂咗Suki隻手一下咋，我冇諗衰野㗎。唔信你問Suki啦。」我連忙向她解釋。

 「哼，今次就放過你，唔好俾我見到有下次，如果唔係...我打L死你呀！」

 「係係係，唔會唔會，所以我幾時都話我女朋友好開明既。」

等我刷下鞋先~ 

之後那數十天，我每天都要忍受著Michelle無止境的疲勞轟炸，

而且啊童不在我身邊的日子。

 直到放新年假前一天，我終於忍受不住，

在上西史堂時，

(即係八婆禮教既堂) 

找了個方法與啊童交流。 

我拿出一張廢紙及筆來，

在紙上寫上「我好悶啊」四字，

 然後將它摺成紙飛機，

再趁八婆禮在轉身寫字上黑板時， 

偷偷地把它飛過去啊童那邊， 只見紙飛機穩穩地降落在啊童的桌上，

而啊童好似比紙飛機嚇了一嚇，

 之後再看向我，反了反白眼。

 我向她示意叫她寫幾隻字上去。 

她想了一想後拿出筆來，動筆寫了幾隻字後，

又趁八婆禮不為意， 把紙飛機飛回我這裏。 





其他同學看到我們這樣玩也不以為意， 

並沒有告發我們，反正上堂玩紙飛機對中學生來說只是家常便飯。



跪求大家Follow我既IG: MaanYin05