是咁的，我同女神做咗鄰居: 139.

我滿臉驚愕地看著啊童，而啊童則紅著臉低頭。

 一時間我們陷入了短暫的冷場，我裝作若無其事地繼續向前走， 

但其實心底裏緊張得要命，手心不斷出汗。

 天哪！原本我還幻想著可以在長州海邊拖著啊童，

是多麼的浪漫， 





但如今我卻緊張得完全享受不了這一刻。 

右手拖著啊童，而左手卻不自覺地在玩弄著自己的手指， 

腦中一片空白，努力運行著，試圖想去說些話來打破這個冷場，

 但嘴巴卻像上了螺絲一樣，任我怎努力也打不開，發不出聲音。 

「你好緊張咩？」

過了一會，可能是因為我的手汗多得太緊要，

導致啊童忍不住開口問。

 「又唔係既。」 

「唔好諗住呃我喎，唔緊張隻手又點會濕得咁緊要啊？」 

「好熱吖嘛。」我胡亂作個籍口去掩飾自己內心的緊張。 





「咁唔好拖囉。」啊童聽罷甩開我的手。 

「咁又唔好。」我笑著上前重新握緊啊童的手。

 「宜家又夠膽拖住我既？」 

「頭先都夠㗎，不過比你快我一步咁解之嘛。」 

「喂大佬，你搞咁耐，我又已經比晒暗示你啦，你都仲係驚驚青青咁，剩係夠膽勾住我隻手指尾，等得你嚟我地都返到去啦。白都敢表你竟然唔敢拖手。」

 「咩唔敢...」 

「哈，我又影到多幅相啦，怕埋片添，頭先你地講既野已經全部比我紀錄低晒啦，哈哈。」Suki說。

 「你又影！？」我說。 





「喂，幫緊你啊仆街，我宜家唔影，你地遲啲想睇返以前啲相既時候，就會無相睇㗎啦。」

 「想賺錢咋掛？」啊童說。 

「賺你條仔錢啫，又唔係賺你。」 

「真係服咗你，少少錢都賺。」我說。 

「你咪當交學費囉，頭先如果唔係我推你埋去，你宜家邊有手仔拖啫。」 

「咁又係，交少少錢，換嚟一隻任拖任摸唔嬲，白白滑滑既手，都幾抵玩。」我拿起啊童的手奸笑著說。

 「死變態！」啊童立即抽開自己的手。





 「嘻嘻，呢個變態佬會跟足你一世，走唔甩㗎啦你。」我說。

 啊童聽到後舉高手打算打我，

奈何熟識她的我一早已經離開了她的攻擊範圍，

令她打了個空。

 「哎喲，打我唔到喎~」已做好自殺準備的我對啊童說。 

她抬起頭來看著我，面上盡是驚愕及不忿之情，

眼中流露出滿滿的殺意，

 「咩打唔到啊！！！」啊童向我怒吼。 





感受到危險迫近的我果斷拔腿朝旅館狂奔，啊童反應也不慢，

緊追在我後面。 

試幻想一下，一個手上拿著一大束玫瑰花的女生，

追著一個還背著結他的男生， 畫面是何其滑稽？

 「喂，你地去邊啊，我地去食野喎！」後面傳來Suki的呼喊聲。

 當然，面對著殺生之禍，

我是顧不得那麼多，

況且若我現在回旅館我還可以順便放下沉甸甸的結他。 

沿路上左右兩旁盡是幾層高的小屋，偶爾有居民騎著單車經過，

陣陣海鮮味還從小檔傳來， 

孩子們在路上追逐嬉戲著，後面則是他們的母親呼喝著他們。

 如此簡單的生活，一個能躲於城市化的魔爪，

一個真真正正富有香港味的地方， 正正是我所渴望的，

一個我渴望能跟啊童一起生活的地方。

 不過，就現在來說，我唯一的願望是，

抵達旅館前不比啊童捉到， 要不然我會死得很慘。 




跪求大家Follow我既IG: MaanYin05