是咁的，我同女神做咗鄰居: 137.

眼見啊童遲遲未接過花朵，亦未發一言，

我心中越發不安， 

過去三次表白失敗的畫面此刻在我腦中揮之不去。

 時間變得異常的慢，每一秒對我而言都是煎熬，

 聽著海浪的拍打聲，心裏不斷在問自己到底啊童為何說話。





 「喂！」過了幾秒後，啊童開口。

 「做咩仲唔答我啊？」我不加思索，衝口而出。 

「噗，傻佬，你剩係講咗你對我既感受，係咪爭咁啲野呢？」啊童笑著問。

 「係喎係喎...周樂童，你可唔可以做我女朋友...」 

「可以！」我話未說完，就比啊童打斷了。





 我臉上綻放出笑容，一個集幸福，開心，滿足於一起的笑容。 

終於，我終於得L咗啦仆你個街，

邊條粉腸成日話溝女好易㗎。

 頂你個肺...有啲開心到想喊添...

唔得，我唔喊得。 





係呢一刻，我內心有幾興奮，已經係難以用文字來形容，

 一個你用咗半年時間去完成的目標，

 我所花的功夫相信都唔駛我再多講，

 單單係溫書呢一件事上面，我所付出的時間，

都已經比以前既我多出無限倍，

 因為我以前係唔溫書既~ 她接過那束花，

然後再把我拉起來，一把抱著我。

 「嘴佢！」想也不用想，這把聲音的主人，自然是Suki。





 「嘴佢！嘴佢！嘴佢！」我的兄弟也跟著起鬨。 

我看向他們，再看一看啊童，以眼神向她請求批准。

 她想了一下，然後搖了搖頭，拒絕了我的請求。

 唉，雖然唔錫得我係有啲失望既，不過我都尊重佢既，

可能佢唔想係咁多人面... 

她笑了一笑，然後將頭伸前，

吻了我一下。





 「唔...」呢個係我比佢突如其來咁封住咗個嘴所發出既聲音。 

「咔擦。」我的右邊傳來相機聲。

 「完美！仲靚過上次個張，有夕陽，有花，有錫錫畫面。友情價，一百蚊賣比你。」Suki檢視著剛才所拍的相。 

「其他人，叫你地拍片有冇拍到，賺錢好機會啊嗱。」她繼續說。

 「有，四個角度，電影級既拍攝技術。」Marcus說。

 「Very Good。啊言啊童，宜家有個Package，只需要五百蚊，就可以買晒所以係我地手上既片同相。」Suki一副無良奸商的樣子。

 「痴線，唔好理佢。」啊童說。 

「緊係唔理啦，趁個太陽仲未落晒去，望多幾眼個太陽好過啦。」我搭著啊童的膊頭說。 





「喂喂喂喂喂，你地諗下先，你地剩係會表一次白，啫係呢個世界上得呢輯相㗎咋喎，你地唔買，咁結既時候咪冇相用囉！」她繼續游說我們。 

「有得講價㗎喎...」她說。 

「十蚊！」我立即說。

 「嘩，咁又唔好咁過份喎啊童，五十啦。」

 「廿蚊！」 

「四十五。」

 「廿五。」





 「唉是但啦，啊言你記得你仲爭我地餐飯㗎嘛。」Suki說。 

「出Pool個餐吖嘛，得啦。」 最後，我就用廿五元向Suki購買了這些珍貴的相片，並收於箱中。 

去到呢到，我發現個作者真係On9，

好地地仲咩要Set死咗箱入面有幾多張相啫，

 所以我係到宣佈，箱入面既相其實係唔止十張㗎！

 唔信你地去睇返第一章。 


寫咗五個月，佢地終於係埋一齊啦，身為作者我都好感動，終於唔駛再比人屌我拖文啦，
呢啲咁開心既野大家係咪應該要好好慶祝下先？
至於點慶祝呢，其實我都好想加下更比大家睇下佢地之後係長州既經歷既，
但係好似冇乜動力咁樣喎，咁啱宜家IG都差唔多過百五Fol啦，
所以大家快啲去Follow我IG，一過百五Fol，我即刻加更！

跪求大家Follow我既IG: MaanYin05