是咁的，我同女神做咗鄰居: 131.

就在彈指之間，幾日便過去了，終於到了最後一科，

西史。 明明西史是最早考，

但卻是最後一份派的試卷，真奇怪。 

「今日我地就會派卷，我會先派咗問題紙，講解完之後，先至派你地既答題簿。」八婆禮說。

 「屌，點解個個老師都咁鍾意咁做㗎，就唔可以比我地知咗分數先㗎咩！你同我地講咗分數先，之後你咪慢慢講飽佢囉。」急於知道成績的我，不滿地抱怨著。 





「咪係囉，反正無論點我都唔會聽佢講野㗎啦。」Marcus說。

 「好，第一題...」 

此刻的我，第一次體驗到了何謂心急如焚，

緊張，期待，興奮卻又擔心， 

幾種不同的心情混雜在一起，坐立不安。





這種狀態歷時接近一小時才結束。 

「好啦...我地講完卷啦...宜家派卷啦...順學號出嚟攞。」八婆禮說。 

雖然，當天我曾經說過西史卷十分簡單，

但心裏卻總是感到十分緊張， 拖著在抖的腳走出去，

雙手牢牢地接過份卷， 





「唔好唔合格...唔好唔合格...」我口中不停默默地唸著，直到回到座位。 

「你噏咩9啊！好L煩啊。唔合格咪唔合格囉，屌！」Suki聽到後不耐煩地說。

 「你呢啲不求上進既人點會明啫。」我不忘回嘴。 

「想溝女咋掛。」Suki說。 

「痴線，我係為讀書而求合格㗎。」 

「啊童講晒比我知啦，要合格先應承你吖嘛。」 

「啊童！做咩要講比佢知啊？」我轉頭問啊童。 

「唓，講比佢知咪講比佢知囉，有咩唔講得啫。」 





「唉唔好講呢啲啦，你快啲打開份卷睇下合唔合格好過啦。」Suki說。

 「又啱啫。一係咁，啊童你幫我睇，然後你再同我講個成績吖。」我將試卷遞給啊童。 

「睇過~」啊童接過試卷，打開看了一眼。 

「點呀點呀？得唔得呀我？」我緊張地問。

啊童面露憂色，搖了搖頭，然後說， 

「我都知你盡咗力㗎啦，唔好太灰心啦。」啊童拍一拍我膊頭。

 「嘩...你又係慘啲既，去到最尾一科先至唔得。下次加油啦。」Suki從啊童手上搶過我份卷，看了一看後說。





 「啫係唔合格啊我？」我失望地問。 

「你自己睇下啦，滿分係八十分。」Suki把卷還給我。 

我看著卷上，八婆禮的筆跡，

呆了一呆， 分數欄竟然是寫著五十五分。

 「仆...你個街吖！你地玩9我！」我開心之餘，不忘向她們怒吼。 

但她們已經在一旁捧腹大笑著，完全無視了我對她們的責罵。

 「頂你個肺...啊童，咁係咪即係...」

我用手指一指自己，再指一指啊童，然後再擺出一個愛心。









跪求大家Follow我既IG: MaanYin05