是咁的，我同女神做咗鄰居: 117.

「真係無你咁好氣，食咗早餐未啊啊童？煮早餐比你食吖。」老媽說。 

「好啊，唔該Auntie。」啊童說。 

「衰仔，去，煮野食比啊童食！」老媽說。

 「吓，我要溫書喎。」我說。

 「叫你去就去啦，咁多野講。」 





「去啦去啦，唉。」我走向廚房。

 「啊童你想食咩啊？」 

「無所謂啊，你求其煮啲野比我食就Ok㗎啦。」啊童說。 

「唔得，認真啲煮啊衰仔，唔好餓親我個未來新抱先得㗎。」原本已經離去的老媽，一聽到啊童這樣說，立即很大反應地走回來跟我說。 

「得得得！我點會要我既小童童~餓親㗎呢？滿漢全席都整比你食啊。」我對啊童說。 





「喂呀，你可唔可以唔好叫啲咁肉麻既名啊，同埋咩叫你既小童童啊！我唔係屬於你㗎！」啊童打了我一下後說。 

「總之，你乖乖坐係出面等食，好快得。」我走出房間說。 

進到廚房，我打開一包Pancake粉，

加水，溝混， 拿煎Pan，開火，

將Pancake漿倒進煎Pan中，





 成形後鏟起，一氣呵成，

這套動作看似很簡單，

實則上，真係很簡單。 

「整咩啊你？」沒有耐性的啊童走進來問。

 「點解你咁鍾意係我整緊野食比你食既時候走入嚟既。」我專注於煎Pancake，連正眼也沒有看啊童一眼。

 「因為我...好奇心重囉！你仲未答我問題喎。」啊童說。 

「整Pancake啊。」我拿起煎Pan展示給她看。 

到我整完第二塊時，一直默默在旁觀察的啊童一把搶走我手上的煎Pan， 





「攞嚟！我要試下，好似好簡單咁。」啊童說。

 「你得唔得㗎...」我擔心地問。 

「得㗎啦，有你睇住咪得囉，快啲教我點整啦。」啊童說。 

「嗱，你首先就倒啲Pancake漿落去個煎Pan到。」

 「咁樣？」她那起裝著Pancake漿的碗，並全倒進去。 

「喂喂喂喂喂！！！太多...啦。」未待我說完，那碗已經變得空空如也。

 「吓，係咩，我以為要倒晒落去吖嘛，你又唔提我。」她扁嘴說。 





「都冇乜野既，係大塊啲同埋要等耐啲囉。」我安慰她。 

過了一會後，

「得未啊？」她問。 

「唔，應該得啦。」我看一看那塊特大Pancake。 

「你宜家就鏟起佢，然後放上隻碟到。」我繼續指示她。

 「Yeah！！！得咗。煮野食咁少事難我唔到。」啊童興奮地說。 

「係啦係啦叻啦叻啦知你好L勁。」我把碟拿出去。

 「喂！邊有人讚人用粗口讚㗎，我要你好真心咁讚多次！」啊童叉著腰說。





 「嘩！！！」我瞪大雙眼看著她大叫一聲。 

「做咩啊。」啊童比我嚇得彈了起來。 

「好犀利啊你，你係點...點先整到呢個咁完美既Pancake出嚟㗎！」我激動地說。

 「妖！又玩我！」

 「你想要朱古力醬定糖漿啊？」我問。

 「你想肥死我啊？要我食啲咁邪惡既野。」 

「唓，你都唔會肥㗎啦，我兩支都攞出嚟，你自己揀啦下。」我把兩支醬拿出去放在桌上，然後再轉身走進廚房。





 「你又入去做乜野啊？」啊童問。 

「你等我一陣，我入去整多樣野比你。」我說。 

我拿起可可粉，

加入牛奶，

煲一會，

 倒入杯中，再放進幾粒綿花糖，就拿出去給啊童。

 「登登！聖誕節點可以冇熱朱古力飲？配埋Pancake，簡直係人生一大享受。」我說。 

「嘩！真係估唔到你會整熱朱古力喎。」 

「比你估到就溝唔到你啦。」 

「你到宜家都未溝到㗎喎。」

 「就快囉。」

 「唔係㗎，冇準備聖誕禮物比我，我仲嬲緊㗎。」 

「咪送咗囉，你唔鍾意我咩？」我指著自己問。

 「唔係要你啊，我想要啲特別啲既禮物啊！」 

「有咩禮物特別得過我！」 

「快啲諗下啊！仲講笑！」她打了我一下。




跪求大家Follow我既IG: MaanYin05