是咁的，我同女神做咗鄰居: 113.

啊童在船邊擺出不同的姿勢，而我則專心地為她拍照，

 剛好，啊童所站的位置，是背著夕陽，

 所以我能夠同時把夕陽美景以及啊童拍下，

 「你擰轉頭睇下。」我說。

 啊童聞言便轉頭，看見了夕陽落下以及一遍橙海。





 「嘩...你快啲幫我影多幾幅相！」啊童說。

 「宜家影，宜家影。」我舉起相機繼續為啊童拍照。

 又拍了一輪後，我跟啊童提出先休息一會，

 但啊童卻像是未拍夠一樣，意猶未盡，還想繼續拍，

 坐在我們前方的Suki看不過眼，於是便主動提出說幫手。 





「但係我有個條件㗎喎。」Suki說。 

「係咩條件呢？」啊童問。

 「就係要你同啊言一齊影。」Suki看著我說。

 「哦，好啊，嚟囉。」啊童說。

 但我卻還未反應得過來，呆站在啊童前。 





「喂，過嚟啦，等咩啊？」啊童問。

 「係囉，快啲過去啦，再唔過去我唔影㗎啦。」Suki說。

 「嚟嚟嚟，宜家嚟。」我反應過來後說。

 「搞咩啊你？」我經過Suki身邊時悄悄地問她。 

「幫你溝緊啊童啊，快啦。」她回應。 

「吓，咁都叫溝，影張相咋喎。」我說。 

「我話係就係啦。」 

「得未啊，你兩個又靜雞雞係到講咩啊？」啊童不滿地說。





 「係係係，Sorry大佬，問緊Suki點影啫。」我說。 

「過嚟啦！」她一把扯我過去她身邊，再用手緊緊地箍著我的頸。 

「好唔滿意啊宜家，下！叫你同我影相，行咁耐先行到過嚟，係咪想死啊你！」啊童說。 

「喂...喂，放手先大佬！好緊啊...我透唔到氣！」我不斷拍打著她的手。 

「我係唔放啊，當係懲...」 她話未說完，前方就傳來「咔嚓」一聲。 

「Perfec池啊，成功影到你地兩個最Sweet既Moment，仲要有個夕陽靚景係後面做襯托， 結婚攞呢張相就啱晒！」Suki一邊看著那張照片，一邊讚美著自己的攝影技術。 

「得啦得啦，知你勁啦，快啲幫我影多幾張啦。」啊童沒好氣地說。 





「啊言你死開先，啊童你試下望住個海吖。」Suki猶如一個專業的攝影機，指導著啊童。

 啊童聽到後不疑有詐，跟從Suki的指示，

轉身背對著我們，看著大海。

 確保她轉了身以後，我便拿出一早已準備好的玫瑰花。 

各位親愛既讀者係咪完全唔知發生咗咩事呢，

 無錯啦，屢敗屢戰，不屈不撓，

誓要溝到啊童既我，打算又再表白啦！ 

時間返到去一日之前，

完咗聖誕派對，返到屋企之後，

Suki就Whatsapp我，

 問我諗住幾時表白。 

講講下，佢就話不如聽日表白啦，

仲話會幫我， 

咁於是我用咗一晚時間諗點樣表白好， 

最後，我就打算係黃昏既時候，

假借睇中華白海豚之名， 

帶啊童出海，然後就係夕陽之下，

表個靚白，仲準備埋玫瑰花添，

 真係諗起都覺得浪漫！

 所以你頭先睇到，Suki主動問啊童幾時接受我，

都係我地既計劃嚟。 

Suki主動話幫我地影相，亦都係我地既計劃嚟。

 哈，我真係神機妙算，

自己都好佩服自己。 想知成唔成功？等聽日啦你地！


跪求大家Follow我既IG: MaanYin05