是咁的，我同女神做咗鄰居: 107.

為防大家唔記得，宜家場上面，

仲剩返我，啊童，魚蛋，同肥強。

 第三晚，我殺死了肥強。 

天光時，他們便比告之肥強已死這一消息。

 「啊童，我琴晚已經睇咗魚蛋既身份啦，佢係狼人！」我說。





 「千祈唔好信佢啊周樂童，我先係真正既預言家啊，我琴晚都睇咗你既身份， 你係好人嚟㗎嘛。」魚蛋嘗試拉攏啊童。 

「投死魚蛋我地就贏㗎啦。」我說。 

「唔好啊，你投死我你就會輸㗎啦。」魚蛋急忙說。 

「你有冇呃我？」啊童問我。

 「冇啊，我都唔講大話既，我真係預言家嚟㗎，頭先都篤咗Suki出嚟啦。」我說。





 「真係冇？」

 「我好肯定冇。」我說。 

「如果你咁呃我你就死硬。」她狠狠地瞪著我。 

「喂喂喂...唔好信佢啊，我識咗條友兩年幾啦，佢講大話唔眨眼㗎，唔好信佢啊。」魚蛋嘗試作最後的勸阻。

 「我要動議魚蛋。」啊童說。





 聽到她這樣說後，我對著魚蛋邪惡地笑了一笑，然後說， 

「我支持。」我強忍著興奮之情說。

 「拍定手先。」啊童伸出手來對我說。 

「Yeah！」我跟啊童拍了下手。

 「好，遊戲完結，狼人勝。」主持人說。

 「Yes！我地得咗啦Suki！」我興奮地走過去跟Suki慶祝，留下還未搞清楚發生了甚麼事的啊童呆坐著。

 「吓，啫係點啊？」啊童問。

 「啫係呢個故事教訓你唔好再比愛情沖昏頭腦，盲目咁相信你條仔。」Suki奸笑著說。





 「拍定手先。」我伸出手來，對Suki模仿啊童剛才的動作。 

「Yeah。」Suki配合地跟我拍了一下手。 

「話咗你唔好信佢㗎啦。」魚蛋向啊童抱怨。 

「咁我點知佢夠膽死呃我啫。」啊童可憐地說。

 「萬！浩！然！你竟然咁大膽呃我！」終於回過神來的啊童向我怒吼。

 嗅到有危機的我立即奪門而去，

啊童則緊追在後。





 直覺告訴我，全學校只有一個位置安全，

 那就是，男廁！ 

於是我往男廁直奔。 

「唔好走啊！」 

「你捉到我咪唔走囉。」我說。 

多得啊童之前跟我練體能，所以啊童未能縮短跟我的距離。

 我順利走進男廁，就站在男廁門口後幾步的位置等著啊童。

 幾秒過後，啊童便也到達。 





「出嚟啊！」啊童雙手叉著腰說。 

「我係唔出啊，你吹咩~」恃著自己在男廁範圍以內，啊童不敢進來的我囂張地說。 

「你再唔出嚟，你一陣間會死得好慘㗎。」啊童說。

 「驚你啊？你咪最多扭下耳仔，打下我~」連月來的「訓練」已經令我不再怕這兩種手段。 

「最後機會，你一陣間唔好後悔啊嗱，宜家出嚟我唔整你。」 

「唔.出.啊.」

 「你係唔出吖嘛。」

她竟然，走了進來男廁！ 

強行把我拉出去。

 「喂，你唔可以咁樣㗎喎。」正比她扭著耳朵拉出去的我說。 

「哼，有咩問題啊，冇人見到就得啦。你死緊啦你，比我捉到，頭先仲咁串！」啊童說。


跪求大家Follow我既IG: MaanYin05