是咁的，我同女神做咗鄰居: 91.

「萬浩然！切野啊！」 

「萬浩然！上菜啊！」 

「萬浩然！比條魚我！」 

「快L啲啦仆街！冇時間啊！」我竟然能令到一向小講粗口的啊童對我說粗口。 

「嚟啦嚟啦。」我說。





「明明你平時煮野食咁叻，點解你嚟到呢度會廢咗咁多㗎？」啊童問我。

 「打機又點同現實啫，現實都冇人會係咁催我。」我說。

 「咁又係...喂！著火啦！」啊童緊張得不斷拍我的手臂。 

「滅火筒嚟緊！」我控制著自己的角色走到著火的位置。 

「唉呀！又要再整過煲湯啦，唔夠時間啦。」啊童手忙腳亂地說。 





「比你入廚房真係死緊，整煲湯都搞到火燭。」我苦笑著說。 

「所以我從來都冇煮過野食囉。」啊童一副理所當然的樣子。 

「煎隻蛋都冇試過？」我好奇地問。

 「咁就有既，不過煎完之後唔記得熄火，去到差唔多七個鐘之後我啊爸先發現，自個次之後我就比人禁止入廚房啦。」啊童說。 

「佩服佩服，小弟甘拜下風。」我說。





 「喂你唔好顧住講，停晒手腳先得㗎！我地得幾分咋。」啊童說。 

「係係係，宜家切魚。」我說。 

結果，由我開了這個遊戲開始，啊童就未停過，

不斷玩不斷玩， 把她原本所說「只玩廿分鐘」拋諸腦後，

 過了關就玩下一關，

而且我極度懷疑她是一個完美主義者， 

只要那一關未夠三粒星，

她就一定要重玩，直到她得到三粒星為止。 





「呼！宜家幾點啊？」我問。

 「六...嘩，咁快就六點啦。」投入得忘記了時間的啊童驚訝地說。

 「吓！」沒有為意時間的我說。 

「咦，你啊媽仲未返既？」啊童這時問。

 「係喎，正常應該返咗㗎。」我奇怪地說。

 「比部電話我問下佢吖。」我說。

 於是啊童便把原在她褲袋中的電話遞給我。 





到我打開電話，才發現了老媽的訊息。 

內容是說她臨時有事要做，叫我自己吃晚飯。 

「哦，佢話佢有野做，所以返唔到嚟住喎。」我說。

 「咁，一唔一齊食夜晚飯？咁啱今日我爸爸都唔得閒。」啊童說。

 「你想食咩？」我問。

 「滑蛋豬排飯！」啊童說。

 「好啊！仲記唔記得上次整既時候，啲蛋比我整到燶晒。」我笑著提起第一次為啊童下廚的事。 

「唔知點解呢可~」啊童瞪著我說。 





「係囉，唔知點解會燶晒㗎呢可？真係奇怪。」我回想著當天所發生的事。 

「警告你啊！唔好再掛住𥄫我啦今次，我唔想食到啲咁苦既蛋。再加上，我對我男朋友既其中一項要求，係要煮野食好味，所以，你明啦。」啊童說。 

「得！今次我煮完先𥄫！」 

「快啲去啦咸濕佬！我好肚餓啦。」啊童反了反白眼後說。 

「等下啦，好快食得㗎啦。」我起身說。


跪求大家Follow我既IG: MaanYin05