是咁的，我同女神做咗鄰居: 89.

由於Group Project遞交的日期是在考試之後，

 所以我們便把去大澳的日子定在聖誕假期的其中一天。 

「係呢...」我放學時對啊童說。 

「咩呀？」啊童看著我問。 

「你期唔期待去大澳啊？」我問。





 「一般啦...你有冇去過大澳吖？」 我笑著搖了搖頭， 

「你幻想之中既大澳係點㗎？」啊童問。 

「唔...幻想之中既大澳係點啊？我諗，應該係好靚啦，好有「香港味」既一條漁村囉。」我回答。 

「幻想總係美好既，好可惜，宜家既大澳只係一條啲水濁到痴線，又臭又迫又冇野睇既一條好普通既村。」啊童把我對大澳美好的幻想徹底破壞。 

「你有去過？」我問。





 「有，好後悔，山長水遠同老豆入到去，結果無野睇。」啊童回答。 

「咁你又提議去大澳？」 

「頭先老師講咁多個地點之中，呢個瀑布好似最靚。」啊童說。

 「靚還靚吖？大澳鬼死咁遠，入去東涌都一個鐘，東涌入去又一個鐘，來回成四個鐘喎師姐。」 

「轉地方囉咁。」 





「咁又唔好，我都想去下大澳既。」

 「講咁多野，最後咪又係去...」啊童說。

 比她說中的我，低頭笑而不語。

 突然，我的耳邊傳來一聲驚呼。

 我轉頭看著啊童，奇怪著她為何突然發出驚呼聲，

 「做咩呀？」我問。

 「冇...冇野。」她眼看著前方說。

我順著她的視線看過去，竟然又是那個Donald。





 「Donald咋嘛，有我係度佢都唔會搞你啦。」我不屑地說。 

「我唔係驚Donald啊，我係驚企係佢隔離個個。」 

我再次看過去，只見他身旁站著一位跟我們差不多大的少年，

 面露微笑，但他的表情卻令人心寒。

 「佢係？」我問。

 「我以前間中學既同學。」啊童說。

 「咁點解驚佢？」 





「呢個就係我轉校既原因，因為我係個間學校到，比佢地夾埋欺凌咗兩年。」啊童說。 

「吓，無端端做咩欺凌你？」 

「佢之前中一既時候同過我表白，跟住我拒絕咗佢，以後佢就開始講我壞話...」

 「吓，咁你仲拒絕我？你唔驚我講你壞話咩？」我開個玩笑好讓啊童放鬆一些。

 「人地講緊啲唔開心野，你仲講笑！」她打了我一下。 

「係啦係啦，你繼續講。」 

這時，我們跟Donald的距離已經越來越近，

 未及啊童開口繼續說下去，就比那少年搶先說。





 「周樂童，估唔到咁都比我搵到你，我地真係有緣啊可？」他臉上保持著他那虛偽的笑容說。

 「無論佢講咩都唔好理佢。」啊童低聲跟我說。 

於是我們便把他當作透明般，把他無視了， 

「有男朋友就唔理我啦？」他見啊童不理他於是繼續挑釁我們。

 CLS，這個人跟Donald一樣厚顏無恥。 

到我們經過他身邊時，他卻用身體擋著我們的去路， 

不讓我們離去， 





「唔該借一借。」啊童說。

「我係唔借啊，你吹咩？」 

「又冇話唔得既。」

這時，按奈不住的我開口說。

 「不過呢...」我說到這裏便停了下來，

 然後對著他的嘴， 吻了下去。

 (唔好意思呢個其實係BL故)  

講笑。

 然後我對著他的面，

 大力吐了一口口水， 

他立即彈開， 

我亦趁機拉著啊童走。


跪求大家Follow我既IG: MaanYin05