是咁的，我同女神做咗鄰居: 87.

「你開波。」Samuel把球拋給我說。 

「好啊。」我接過球，放在腰前，準備發球。

 為了測試他的實力，我先開出一個長球。 

他立即退後，前向我回以一個高遠球。

 我回想著啊童所說的話，進攻模式不可單一，

不可心急，讓對手多走動。 

我於是揮拍打出一個吊球，迫使他從後場走到前場， 

可惜揮拍角度拿捏得不好，導致球落地的位置過後，

 他輕鬆接到我的吊球，並打出一個放網，

 我連忙上前，把球輕輕一挑，

只見球沿著網落下， 正當我以為勝券在握時， 

他卻用力揮拍，把球挑到後場，

 趕不及回到後場的我，失去了第一分。 

「哎呀！」我不忿地說。 

接下來那二十多球，

大部分都因為我移動不及而未能在球落地之前接到，

 戰果是廿一比五。 我們循例走到網前握一握手，

 「Samuel啊，做咩放水啫。」啊童對著Samuel說。

 「嘻，比你發現咗。」他對啊童說。

 「吓，佢放咗水㗎啦？」我愕然地問。

 「我都冇預過你會攞到分既，呢個人啊，係打D1既學校主力嚟㗎，人地成日攞冠軍㗎。我地學校D3咋。」啊童說。

 「咁堅㗎原來你，失敬失敬。」我對著Samuel說。

 「你練多啲呢，就會勁㗎啦，加油啦。」他拍一拍我膊頭。 





「知道。」 

「咁我走先啦，你慢慢培訓佢啦，有需要我都可以幫下手既。」Samuel對啊童說。 

「哦，有機會就搵你幫手啦，Bye Bye。」啊童揮揮手說。

 「再見。」我說。 

待他走後，啊童就開始跟我訓話。 

「好，你知唔知你頭先有咩位做得唔好？」 

「吊波吊得唔好囉。」





 「仲有？」 

「跑得唔夠人快。」 

「仲有？」 

「冇啦。」

 啊童反一反白眼， 

「你有冇為意到頭先Samuel佢完全冇殺過你波啊？」

 「又好似係喎，點解既？」

 「我叫佢咁做既，我想比你睇下迫人走位追波既威力。」





 「然後？」 

「然後想話比你知呢招好有用，叫你多啲用。」

 「收到，走得未？」一心只想打機的我問。 

「嘖，淨係顧住打機。唉，走啦。」啊童說。

 「好耶！走Luuu。」我立即收拾物品。

 到了星期一，上地理課時， 

「Yes！今日終於唔駛再去個個留堂班！」我興奮地說。 





「就係個個留堂班，搞到我地放學永遠都唔夠人打波啊。」肥強說。

 「咪係，平時係三打三㗎嘛，呢個星期啊，變咗做三打二啊。」Marcus附和他。 

「你要怪咪怪個個八婆囉，無端端罰我地去留堂班。」我說。 

「原本罰一日㗎咋，就係因為你個日拉我走，搞到我要同你一齊去成個禮拜留堂班啊。」啊童這時插嘴說。 

「Wuuuu！拉人走，去邊啊？」魚蛋聽到後立即回頭奸笑著問。 

「係囉，去邊到拍拖啫，講嚟聽下吖。」啊正說。 

「去Party Room囉。」

反正他們已經知道了我喜歡啊童的事，

所以我也不忌諱告訴他們我那天跟啊童去了那裏。 

「兩個人，去Party Room啊。唉，真係羨慕死人啦。有冇做啲咩先~」Suki也加入討論。

 「你...你講咩啊...Suki！！！」啊童對著Suki大喝。

 「嘻嘻，冇野啊，有冇做愛...做的事咋嘛。」Suki笑嘻嘻地說。

 「Hey...Shut Up.」這時我們的地理老師說，打斷了我們的對話。



跪求大家Follow我既IG: MaanYin05