是咁的，我同女神做咗鄰居: 80.

我和啊童換位後， Donald明顯感受到我對他的敵意， 

所以再沒有如此猖狂， 只是自己乖乖地坐在自己的坐位上，

 久不久便會看幾眼啊童，

 而我向啊童則繼續溫習，等待著四時半的來臨。 

過了一會，不安份的Donald又開始騷擾啊童。 





起初也只是僅限於言語上的騷擾，

 後來他見啊童毫無反應， 甚至起身走來走去。 

「靚女你叫啊童係咪啊？」他奸笑著問。 

「唔該唔好咁叫我。」啊童不帶任何音調警告他。

 「唔好咁Cool啦啊童，你唔想做我女朋友，大家都可以做個朋友，互相認識下。」

Donald不理啊童的警告，越走越近說。 

「我唔會同你做朋友，請你返埋自己既座位，我要溫書。」啊童說。 

「一齊溫書吖，我都好鍾意溫書㗎。」他想伸手碰啊童的書。

 一直在戒備著的我，立即站起來擋著啊童，並用手格擋開他的手，不讓他碰到啊童的書本。 

「DLLM！我溝女關你L事啊？係咁阻住我。」Donald對著我破口大罵。





 「你溝女唔關我事，但係你溝我條女就關我事。」

我抓著他的手，冷冷地說。 

「鬆開我隻手啊屌你！」

他用力爭扎，但卻比我緊緊抓著。

 「喂！你兩個做乜野？唔好打交！」坐在出面百無聊賴的教學助理一見到我們有肢體碰撞就立即說。 

我聽到後立即鬆開手。 

「啊Sir，佢打我啊！」Donald捉緊機會說。 

「唔好玩野啊你！」我狠狠地瞪著他說。





 「算啦啊言，你坐返低先啦，唔好理佢。」啊童強行把我按下。 

Donald眼見自己的行為已經引起了教學助理的主意，唯有回到自己坐位，乖乖地坐下。

 「唔該你。」啊童小聲對我說。

 「講呢啲。頭先我話你係我條女你唔好介意啊。」我說。

 「得啦，我知你係為咗打發佢先咁講既。」啊童說。

 「雖然你都就快係。」我又補多一句。

 「你個頭就係啊，我都冇話應承你。」 





「話唔定你之後會呢？」

 「睇下點~」

 很快，時間便到了四點半， 

在教學助理交還我們的手冊後，

我們便拿起書包及球拍，過去羽毛球場了。

 「呼，終於可以去打波！」我一邊伸懶腰一邊說。

 「好耐冇打啦。」啊童說。

 因為我們測驗周前及測驗周均沒有練習，

前個星期則去了旅行， 

上個星期學校又Book唔到場，

 所以我們已經差不多一個月沒有練習了。

 由於我們出到校門已經是四點七了，

為了有多一些時間打波， 我們一路由學校，

 背著沉重的書包， 

飛奔到羽毛球場， 只用了六分鐘，

就由學校抵達了羽毛球場。 

「嗄...終於到啦。」我露出笑容說。 

「嗄...乜你咁廢㗎...跑兩跑就喘晒氣咁。」啊童說。

 只見豆大的汗珠不停地從啊童額頭上流下，

 我從書包中拿出紙巾，遞給啊童。 

「你咪一樣喘晒氣咁，仲好意思話我，攞去抹下啲汗啦。」我說。

 「唔該。」啊童接過我的紙巾後說。

 「入去咯？」 

「行啦。」



    
跪求大家Follow我既IG: MaanYin05