是咁的，我同女神做咗鄰居: 71.
我拿起自己跟她的電話，起身往廁所方向走。
大約走了一分鐘後，我便到達了女廁門口，
我往裏面大喊 ，
「喂，啊童，你係咪到啊？你係到就講句野吖。」
過了良久，裏面都未有任何反應，於是我便再說，
「喂，啊童，你聽到我叫你就出句聲吖。」
依舊是沒有任何反應，正當我在苦惱著啊童究竟會去了那裏時， 突然我比人拍了一下膊頭。
「死o靚仔，係女廁門口做咩啊？想偷窺呀？唔好走啊，我宜家報警。」有一個五十來歲的啊姨抓著我的膊頭說。
我又再次比人誤會了...
「唔係啊啊姨，你誤會咗啦，我係到搵緊一個女仔，佢頭先去完廁所之後一直都冇返嚟， 我擔心佢有咩事所以先出嚟搵佢咋。」我急忙解釋。
「佢有啲咩特徵㗎？你講比我聽下，我睇下有冇見過佢。」那個啊姨說。
呼，我鬆了一口氣。
原來這個啊姨是會聽人解釋的，
還以為她又是那些自作聰明的八婆。
於是我便把啊童的特徵告訴她，
「你咁講，我好似有少少形象，過嚟既時候見到一個同你差唔多大既女仔，係到行緊，最奇怪係佢行得好慢，所以我有望多咗幾眼。」那個啊姨說。
「你係邊到見到佢？」我著急地問。
「我係沿住呢條路行過嚟既，你一直行應該就會搵到佢㗎啦，佢應該唔係行咗好遠，你快啲去啦。」她指向跟燒烤場相反方向的一條路說。
「明白，唔該晒啊姨。」我道謝後便朝那條路奔跑。
我心裏十分焦急，因為我很怕她會發生甚麼意外，
向前走了沒多久後，
啊童的背影映入了我的眼簾中，
我頓時鬆了一口氣，
至少，啊童沒有發生甚麼意外，
我就放心了。
「啊童！」我直奔過去啊童身處的位置。
啊童聽到後轉了過來，
「啊言？係咪啊言啊？」她伸出手來向前摸。
她明明看到我，為何還要問這個問題？
我心中百思不得其解。
「係呀，係我呀。」我抓著她的手說。
她突然向前一撲，緊緊地抱著我，
「我好驚呀，我搵唔到路返去啊！」她在我耳邊說。
「唔駛驚啦，我咪嚟咗囉。」我一邊撫摸她的長髮一邊溫柔地安慰她。
她就這樣緊緊地抱著我，把頭靠在我的肩膊上，
「返去未呀？」我問。
「唔...」她點一點頭。
一路上，啊童都緊緊抓著我的手臂。
「你唔記得點樣返去點解唔問下人？」我疑惑地問。
「其實我唔係唔記得點樣返去...」啊童說。
「咁係？」
「係我有夜盲症。」啊童吸了一口氣說。
「啫係你夜晚睇唔到野？」我追問。
「唔止夜晚，係暗啲既地方都會睇得唔清楚。」啊童說。
「啫係你宜家其實係睇唔到野？」
「唔，所以我係夜晚既時侯唔可以隨便自己一個走嚟走去，一定要有個人陪。」
「咁你燒野食既時候咪睇唔到野囉？」
「有燈就會睇到。」
「幾時開始㗎？」
「天生㗎。」她這三隻字，道出了她滿滿的無奈。
「咁你今日喊...係咪因為呢個病啊？」
「醫生話，我遲啲病情惡化，最終可能會盲。」啊童平靜地說。
「冇得醫？」
「冇，最多拖慢個病情，唔好比佢惡化得咁快。」
「唔...所以你唔開心？」
「我驚，我好驚之後睇唔到野，我好驚之後再睇唔到野，再睇唔到呢個咁靚既大海。」
「有啲野，你知道係冇可能永遠捉住既，你可以做既，就係趁你仲捉到既時候，好好珍惜。就好似頭先既個片夕陽咁，你冇可能控制住個太陽，唔比佢郁㗎嘛，你可以做既，就係趁佢仲未完全消失既時候，望多幾眼呢一片咁靚既美景，好好珍惜睇日落既時光。」
「乜你突然之間，講啲野咁有深度既。」她的臉上重現了久違的笑容。
「唓，我不嬲講野都有深度㗎啦，係你平時唔發現咋嘛。」
「係咩？真係唔覺喎。」
「夕陽無限好好好~」我有感而發，唱起Eason的歌。
「只是近黃昏。」啊童以吟詩的語氣說。
「錯！係天色已黃昏~」我繼續陶醉於自己的音樂世界之中。
「你個頭就錯啊，又話自己有深度，淨係識歌詞。」
「咁我真係唱緊歌吖嘛，你無端端係到吟詩，同埋識歌詞有咩問題啊？你歧視林夕啊？佢寫啲詞不知幾有深度。」
「費時同你拗，返到去未啊？我地都行咗好耐啦喎。」啊童問。
「就快啦就快啦。」我回應。
回到去後，
「咦，啊童你做咩翹住啊言隻手既，唔通你地兩個玩地.下.情？」Suki看到後奸笑著問。
啊童聽到後立即彈開，臉上一紅說，
「邊個同佢玩地下情啊？你又亂講野。」
「唉，我地呢啲單身狗，下次都係戴定副超出嚟，一陣間比人閃盲咗隻眼就唔好啦。」Marcus說。
「收皮啦咁多野講，繼續玩啦。」我說。
我們一直玩到九點，才乘坐巴士離去。
沿途上，啊童因為太累，所以倚在我的肩膊上睡著了。
看著她的睡容，我心中暗自下定決心，
要用一世時間，去保護面前這個女生。
要完成這個目標，首要做的就是好好休息，
所以我便靠在她的頭上沉沉睡去。
正所謂，休息是為了走更長遠的路嘛。
跪求大家Follow我既IG: MaanYin05