是咁的，我同女神做咗鄰居: 42.

大門一打開，內裏立即走出兩人，

在前的是啊童的父親， 在後的則是啊童。

 那個清潔工看到他們立即變臉，

由原本對著我的一副臭嘴臉，迅速轉為恭恭敬敬。

 「啱啦，你出嚟就啱啦先生，呢個人好可疑啊，佢頭先係你單位出面瞓覺啊，之前仲係你門口出門鬼鬼鼠鼠咁唔知做咩啊。」 





「你知啦，宜家經濟唔好呢，多咗好多賊啊，你要小心啲啊。」

她又再俯身向前壓低聲音，斜眼看著我說。 

「我聽到㗎！同埋我再講多次，我住係隔離，我唔係賊啊！」我說。 

「哦，你係萬...萬咩呢？」周叔叔說。 

「咳，萬浩然。」 





「係啦，萬浩然，我識佢㗎，我諗係一場誤會嚟㗎啫。」他笑著說。 

「嗱，睇到未啊，我都話我哋係識㗎啦。」我向那個啊姨展現出勝利者的笑容。

 啊姨臉如土色，並迅速敗走。 

「唔該晒你地。嘩！佢真係煩到一個點。」我說。 

「哈，唔緊要，我都係有個句講個句啫。」他說。





 「咦，原本你都係讀呢間學校㗎？啊童都係喎，咁你哋可以一齊返學喎。」他看到我的校服後說。

 我看一看在他身後的啊童，

 但她卻擰轉頭不看我。

 駛你講咩，我夠知佢同我同一間學校啦，

你個女仲坐我隔離添。 我當然沒有說出這一句。

 「哦，係咩，哈哈？」我裝作不知情地說。 

「真係好，起碼係學校到有個照應啊嘛，唉，其實我都好擔心個女係學校到會比人蝦，不過宜家有你睇住，我都冇咁驚。」

 蝦你個女個人咪我囉，

琴日攞咗佢個初吻仲整喊佢，

返嚟又再激嬲佢一次。 

「放心啦，我會睇住佢，唔會比佢比人蝦㗎啦。」我說。 

「咁我就放心啦。」他說。 

跟在他身後的啊童依舊一言不及，連看也不看我。

 「啊童，你做咩唔同人打招呼啊。」他轉頭對啊童說。 

啊童反了反白眼，





 然後冷冷地的道： 「早晨。」 

「早晨啊。」我熱情地說。

 「嘖。」她繼續擰轉頭。

 「啊童！做咩咁冇禮貌啊！」周叔叔語帶威嚴說。

 「算啦算啦，佢可能未瞓醒啫。」我解圍說。

 說著說著，我們已經到達大堂。 

「好啦，我行呢邊，你哋一齊行返學啦，小心啲。」周叔叔說。

 「好丫，Bye Bye。」我揮了揮手說。 





啊童由此至終都不發一言。 周叔叔走後我便轉頭面對啊童。 

「喂啊童。」 她斜眼看著我。 

「對唔住啊！我琴日唔係有心咁樣講㗎，我只係一時之氣，唔小心講錯野咋，你原諒我啦。」

 但她依然不為所動，聽完後只是自顧自的繼續走。

 「係我唔好，我唔應該講呢啲說話，我諗住玩下，講下笑㗎咋。」

我不甘心，死纏爛打地說。 

「對唔住啊！你原諒我啦好冇。」 





「你出句聲啦，鬧我又好，打我又好，比啲反應丫，唔好唔理我啦。」 

「你叫我唔好理你丫嘛！咁我宜家咪唔理你囉，滿意未？」她向我怒吼。 

「我都話我唔係呢個意思咯，我只係唔小心講錯咗咋。」 

「你心入面唔係咁諗又點會唔小心講錯？你扮跌親又係唔小心啊？」說罷她自己加快腳步走了去。 

我衝上前捉著她的手， 

「喂，唔好走啦，你聽我解釋先啦。」 

「你講嚟講去咪又係個幾句！放手啊！」她甩開我的手說。

 無奈的我只好眼白白看著她從我面前走過。



跪求大家Follow我既IG: MaanYin05