是咁的，我同女神做咗鄰居: 31.

於是我們便為了吃甚麼而展開了一場激烈的辯論，

 經過歷時三十分鐘的辯論，

我們最終因為太肚餓而達成了共識， 

結果我們便去了一間幾好食的港式快餐店吃了個午餐。

 「嘩！原來呢個世界上仲有啲咁傳統既港色快餐店㗎。唔...食咩好呢？」啊童就像發現了新大陸一樣。 





「你地都係食個啲㗎啦。我幫你地叫埋。」我說。 

「唔該，要五個A餐。啊童你食咩啊？」我轉過頭來問她。 

「我要炸雞髀飯！唔該。」

 我幫他們付過錢後，便找了個位置坐下。 

「喂每人三十，即刻還。」我說。





 「咩啊，你頭先話請我地食飯㗎喎。」啊正說。

 「我頭先只係話請你地食一個價值十五個大洋既撈麵咋，並冇話請你地食飯，況且你班仆街搶咗我電腦大使個位我都未同你地計。」

 「呵，你唔Gur啊？好公平㗎嘛，我係比人一人一票咁投出嚟㗎喎，好民主，咩搶搶聲咁難聽，個位你㗎？你Book咗㗎？再加上又唔係得佢地幾個投我，全班都有份投我㗎喎。」魚蛋囂張地說。

 「你...呢件事唔講，你地肯比返錢小弟未啊！我都冇話請你地食飯。」

 「下，你係話請我地食飯喎，我地幾個人都聽到。」肥強加把口說。 





「啊童！你講句公道說話丫。」我向啊童求救。 

「你係話請佢地食飯喎。」啊童一本正經地說。

 「嗱你睇，連周樂童都咁講啦。即刻你頭先係話請我地食飯。」肥強說。 

「強搶啊！！！你地夾埋蝦我既，連啊童你都唔幫我！簡直係欺凌啊！」我不憤地說。

 「咦有啦喎，出去攞野食先。」Marcus邊起身邊說。

 「去攞野食Luu。」他們說。 

「你班仆街....」我無奈地說。

 於是我們便各自取餐，





 「啊童你真係唔識食啊，呢度最出名既係佢既A餐，亦即係漢堡包加薯條，但係你竟然走咗去叫炸雞髀飯。唉，走寶啦。」我對她說。

 「你頭先唔早講？你宜家先講有鬼用咩！」啊童怒視著我。

「吓，咁我以為你知丫嘛，你見我地個個都係叫呢個餐，你就知呢個餐有幾好食啦。」我邊坐下邊說。

 「食屎啦你！」 

我不再理會啊童，打算安靜地享受一下神聖的A餐。

 我細心觀賞著漢堡包，

看著兩塊麵包中，比夾著的那堆厚厚的配料， 





我合上雙眼，用手拿起漢堡包，

準備放進口中。

 咦！我找了個空。 

我張開雙眼，

看見啊童笑嘻嘻地拿著我的漢堡包。 

「喂，你你你想點啊？冷靜啊，我要食㗎！」我不滿地抗議著。

 她迅速地咬了一口，然後裝作無辜地看著我。 

「哎呀！唔好意思啊，我唔小心咬咗淡，我諗你都唔會想食我口水㗎啦~唉，咁我唯有勉為其難咁幫你食咗佢啦。你食我呢個飯啦，都好味㗎。」





 「你咁諗就大錯特錯，我係唔怕食你既口水，反正我之前都食過，所以你可以比返個包我，你自己慢慢食你個炸雞髀飯。」我囂張地看著她說。

 「Woooo！連口水都食過Luuu。」魚蛋在旁說了句。 

我白了他一眼。

 「唔得！我要食！你食我呢個飯，講完。」

她一手保護著那個包，一手把那碟飯拿給我。 

「算，我大人有大量唔同你計。」我又再次屈服於強權之下。

 我看著啊童吃得津津有味的樣子， 再看一看在我眼前的那一碟飯，





 我無奈地拿起那隻雞髀開始進食。

 一咬下去，

咦，

原來還不錯，

又脆又多肉汁，

 再試碟上的飯，充滿炸雞的味道，

再加上廚師在飯上淋上豉油， 

使得一碟普通的白飯變得超級好吃。

 如此美味的炸雞髀飯已經很難再吃到了，

慶幸啊童今天強迫我跟她交換食物，

我才有機會一嘗此等美食。 


跪求大家Follow我既IG: MaanYin05