是咁的，我同女神做咗鄰居: 19.

「啊童，我有個壞消息同埋個好消息，你想聽邊個先？」我問。

 「好消息先。」

 「唔好意思，一定要聽壞消息先。」 

「妖！咁你又問？」啊童又打了我一下。 

「咁正常人都係揀壞消息先㗎嘛，點知你咁特別啫。」



 「你講得未啊咁？」

 「得得得，壞消息就係—我宜家要走。」 

「咁好消息呢？」啊童不耐煩地問。

 「好消息就係我住係你隔離，隨時都可以過嚟同你玩。」我笑著說。 

「咁你聽日要過嚟同我繼續玩㗎，我唔執嘢㗎啦。」



 「好啊。」

女神叫我跟她玩，我又怎會拒絕她？ 

「咁我走㗎啦。」我裝作依依不捨地說。

 「走你就走啦，扮乜嘢依依不捨啫？」 

「唔好掛住我啊！」說罷我便開門。 



「收皮啦你。」 十秒後，我便回到自己的家。

 「你突然返咗嚟既？頭先仲係街到㗎。」我媽問。 

「咁我行得快啊嘛。」我求其回應她說。 

「奇奇怪怪咁，呢排搞咩啊？」我媽問。

 「都話冇特別野，你有錯覺啫。」我回答。 

「係咪㗎，唔好呃我喎。」 

「得啦，我係你個仔嚟㗎嘛，唔呃你。」然後我便走了進房。

 這一星期中，我跟啊童的關係突飛猛進，



 她七日前仍是我心中只可遠觀的女神， 

之後碰巧撞到對方，然後一起吃雪糕，

 再到四日前一起去吃拉麵，食心太軟，

 去到今天，我為了賠罪甚至親手整了心太軟，

吃完後一起玩大富翁，

 不知不覺間，我倆已成為了好朋友，

 我亦在這段時日中，漸漸地由喜歡她的外表，變成喜歡她整個人，包括她的性格。



 我默默地許下一個願望，希望可以成為啊童的男朋友！

 雖然這個願望看似遙不可及，但如果我還未試過便放棄，

那我又怎會知道自己會不會成功呢？ 

的確，要令啊童堂堂一個女神級的人，去接受我有難度，

 但世上有樣東西叫奇蹟，而我正正相信會有奇蹟發生在我身上，

 正所謂博盡無悔，若我有試過，

有盡過自己最大的努力去追她，

 那至少不會為我美好的青春留下遺憾，



日後長大了，

也會記得自己曾經努力過去追一個女孩。

 不要令自己留下遺憾，

不要失去了才後悔，

不要未試過便放棄。 



跪求大家Follow我既IG: MaanYin05