是咁的，我同女神做咗鄰居: 13.

自啊童說了句「唔想理你」之後我已經四日沒跟她見過面，傳過訊息了。 

我這四天以來，每三至四個小時就傳一次訊息給她，

 每一個訊息也被她已讀，完全沒有任何回應，

 我無時無刻都在期待著啊童傳訊息過來，

 電話每響一次就好像燃點起我一絲希望，





 但當我看見傳訊息的不是啊童後，

那被燃點起的小火苗就又被撥熄。 

「究竟我做錯咗啲咩啊，都係玩下啫，應該唔會咁都嬲掛， 啊童又唔似係咁小氣，但係又唔似係玩緊我丫，冇理由咁耐都唔覆我。」我自言自語地說。

 「叮」我的電話響起。

 我立即拿起電話，看看是否啊童找我。





 可惜傳送訊息的並非啊童，而是文姨。

 文姨: 你地兩個幾時再嚟啊？冇生意啊！

 我: 我都想再同佢嚟啊，但係佢好似因為上次我玩佢，所以宜家嬲咗我啊。佢宜家唔理我呀，Whatsapp都唔覆。

 文姨: 唔怪得知你溝唔到人啦，你咁被動。

 我: 下，我已經日日Whatsapp佢㗎啦。





 文姨: 傻仔，咁樣係唔夠㗎。你要再主動啲。

 我: 即係點啊？

 文姨: 你賠罪都要比啲誠意㗎，自己諗下啦。

 究竟甚麼叫做「比啲誠意」？

我想了一整個上午也不明白。 

吃過午飯後，我繼續坐在電腦前想。

 「叮」

 我秒速拿起電話，又是文姨。





 文姨: 道咗歉未啊？

 我: 未啊，仲未諗到要點做。

 文姨: 你諗下佢鍾意啲咩啦。

 我: Ok

 過了五分鐘後，我突然靈機一動，想到要送甚麼給啊童了。

 我: 文姨，我諗到要送咩啦，但係要你幫手。

 文姨: 你諗咗成朝終於諗到啦？我可以幫你手啊，反正我都冇生意。





 我: 咁我過嚟啦。

 我馬上更衣出門口，可幸在那間甜品鋪離我家只是十分鐘路程，

 而我根本上是跑過去的，所以六分鐘後我便到達了甜品鋪。

 「咁快嚟到既？我準備好晒啲野㗎啦。」文姨笑著說。 

「你知我想做咩？」我疑惑地問。

 「心太軟丫嘛，估都估到啦，入嚟廚房啦。」

 於是我便跟了她進去廚房，果然看到她已將材料預備好。 

「嗱，我做一個，你做一個，你跟住我做。」





 經過個半小時的奮鬥，兩個心太軟終於完成。

 文姨拿起一個盒子，把兩個心太軟放進去。 

「咁就整好㗎啦，你快啲趁熱攞去被啊童食啦。啲手尾我執埋佢就得㗎啦。」文姨催促我說。 

「Ehh...幾多錢啊。」我拿出錢包問。

 「唉呀，文姨請你地食啊，走啦走啦，祝你成功。」

 「咁好啦，多謝文姨。」 我拿起那個盒子，離開甜品鋪，

急步就回去，希望能讓啊童好好品嚐還熱的心太軟。 






跪求大家Follow我既IG: MaanYin05