是咁的，我同女神做咗鄰居: 6.

「喂食得未啊。」啊童的一句話打斷了我的思路。 

「Shit! 我煮緊啲蛋啊。」

我衝進廚房，立即把火關了。 可惜蛋已燶了。 

「哇啲蛋燶晒既。」啊童不知在何時走到我的背後。 

「你行路冇聲既? 啲蛋都係燶咗少少啫，仲食得既。」我苦笑著說。 





「萬!浩!然!點解啲蛋會燶㗎，你冇控制好時間㗎咩？」 

「咪因為你囉。」我小聲地說。

 「你講咩話！」

 「冇冇冇，係小人唔啱，對唔住。」

 「如果你唔係開門既時候顧住𥄫我，啲蛋會燶？」啊童怒氣沖沖地問我。





 此時我已心知不妙，可惜已經太遲。

 我的背部已比啊童重重地打了一下。

 「𥄫我啊嗱，𥄫我啊嗱，死咸濕仔。」她一邊打我一邊說。 

「對唔住啊大佬，我無心㗎。」我扮可憐地說。

 原本我以為啊童知道我偷看她，她會以為我是一個變態佬而怕了我。





 現在她還在跟我打罵就證明她沒有把剛才的事放在心上。

 我兩碗飯放在桌上，把剛才燶了的蛋倒上去。

 「大功告成！食得。」 

「喂啊，啲蛋咁燶點食啊。」啊童扁了扁嘴說。

 「你識咩啫，啲蛋就係要燶燶地先好食㗎嘛。」我欺騙她說。

 「係咪㗎，唔好呃我喎。」啊童半信半疑地說。 

「係啊，點會呃你啫。」說完我將一口飯放進口中。

 不到一秒，我立即把飯吐在紙巾上，因為那飯實在是太難食了。





 因為飯上的蛋燶了，令到整個飯變得極苦，十分難食。

 我這個舉動把啊童嚇倒，

 「做咩啊你？」啊童不知是真傻還是假傻，一臉天真地問我。

 「啲飯...啲飯好苦！」我辛苦地把每個字吐出，

並且拿起身旁的水杯， 把杯內所有水灌下進口中，希望把口內那苦澀的味道沖走。

 「哈哈哈哈，係咪頭先仲話咩啲蛋就係要燶燶地先好食，想呃我喎， 抵死啦，掛住𥄫我搞到啲蛋燶咗，跟住仲要扮無事想呃我喎，哈哈，今次真係抵你死。」 我比啊童不斷恥笑。

 「算啦，唔好食啦，唉。」說完我便拿那兩碗飯，打算把它們倒了去。





 「喂！」 我回過頭去，看著啊童，

「做咩？」我問。 

「難得你都煮好咗啦，比我試下幾難食都好丫。」 

「唔好後悔喎。」

 「唔後悔。」啊童肯定地說。

 她隨即拿起她那碗飯，吃了一口。

結果跟我一樣，她把那口飯全部吐了出來。

 「講咗㗎啦，你又唔聽。」

我把那碗飯拿起，並倒進垃圾桶中。

 「咁宜家點啊好肚餓啊。最衰都係你啊，顧住𥄫我，搞到啲蛋燶晒。」說罷她又打了我一下。

 「Sor囉，我都係望多咗一眼啫，一係落街食囉。」我無奈地說。

 「唉好啦，食咩啊咁。」 

「唔，食拉麵，我請？」我回應她。

 看在這次算是我跟她第一次出街食飯，所以我便打算帶她吃拉麵。

 「好喎，我好鍾意食拉麵㗎，行未啊！快啲啦。」她催促我。





 「得啦得啦，比我攞埋部電話先。」

我刻然慢慢地走，希望能惹她生氣， 因為她生氣的樣子實在是太可愛了。

 「喂啊萬浩然，得未啊，我就快餓死啦。」她叉著腰，兩眼瞪著我說。

 「有冇咁肚餓啊，行啦。」說罷我便開門。