是咁的，我同女神做咗鄰居: 4.

這晚，我吃過飯後便躲進自己房間中，跟啊正打機。 

「屌你，我講L咗幾多次，唔好，係唔好咁樣走位啊! 你咁樣做緊係被人射死啦。屌你又輸啦我地，排位嚟㗎，我由黃金跌到落黃銅啦， 你認真啲得唔得啫。」

我又被啊正責罵。 

「得得得，對唔住，我錯我錯。喂同你講樣野丫，我上次咪話隔離屋有個女神既，

 我今日出街既時侯撞到佢啦，真係講都唔信，佢邀請我同佢一齊食雪糕， 跟住我仲抄咗佢牌添，仲約咗佢聽日一齊去街，勁唔勁先。」我囂張地說。 





當然，以上我所說的有誇大了的成份，

將她問我拿電話，變成我問她拿電話。

 「你又作故仔啊? 你點會約到女出街啊，你仲要話係女神。 同埋如果佢真係你所講咁靚，佢一定已經有仔啦，點會輪到你同佢出街啊。」啊正恥笑我。

 「喂話晒我個樣都唔差丫，又風趣幽默，約到女有幾出奇啫。同埋佢真係好靚女㗎， 你點先肯信我啫。」我問他。

 「被相嚟睇下囉，有圖有真相，有相我咪知佢係咪真係好似你講得咁靚。」





 「得，我聽日同佢出街既時候影張相被你睇。」

 打完機後我便上床睡覺，但卻在床上輾轉難眠，啊童的樣子，身上獨有的花香味，

 她的笑聲，她的背影，全部都在我的腦中揮之不去。 

一想起明天我就能跟她再一次出街食雪糕，我心中就十分興奮， 恨不得立即睡著，快點到明天。

 可惜事如願違，我在床上遲遲未能睡著。





 好不容易到了第二天，我一早便起了床，只比平時上學起床的時間遲了十分鍾。

 「嘩啊仔，你最近搞咩啊，奇奇怪怪咁，琴日咁主動幫我落去買水果，

 跟住買咗成四十分鐘，明明百佳係屋企附近啫，返嚟又無端端自己係到笑， 

今日仲恐怖，平時打纙打鼓叫你，你都唔起身，成個暑假我都無試過返工之前會見到你，

 今日晨咁早就自己彈咗起身。我最近睇啲報導話宜家中學生好大壓力，

 啊仔你係咪壓力大得滯，患咗個啲咩精神病啊。」啊媽一臉擔心地問我。

 「啊媽你唔好玩啦，你個仔我宜家想建立一個早睡早起既習慣得唔得啊，

 我宜家發奮上進，早起溫書啊，同埋我幫輕下你唔得既，

咁我見你平時返工咁辛苦， 於是咪幫你落家買水果囉。

咁要揀啲靚既水果㗎嘛，於是咪去咗咁耐囉。」我說。 

「係咩~，咁點解琴晚我食個個橙係爛既~」媽刻拉長尾音問我。

 「哦，係咩，哈...哈，可能我買到返嚟之後難咗掛。咦啊媽你唔係要出門口啦咩，快啲出啦， 如果唔係遲到就唔好啦。」

 「丫係喎，掛住同你講野唔記得咗添。Bye bye 啦。」說完便出了門口。 

我跟她揮了揮手，然後便去廁所沖涼，希望以最好最乾淨的一面來跟啊童出街。

 家中沒有人，相信是每一個青少年都想發生的事，因為可以在家中更自由， 無拘無束地做自己喜歡的事，

而我所喜歡的事，當然是打機了， 甚麼早起溫習簡直是廢話，

我在電腦桌前坐下來，好好享受打機的時光。 

為甚麼要打機?

因為打機能令時間過得快一些，好讓我能盡快跟啊童出街。